ކުވައިތު ފަންޑުގެ އެހީގައި އިމާރާތްކުރާ ހަތް ހޮސްޕިޓަލުގެ މަސައްކަތް ރާއްޖެއާއި އިންޑިއާގެ ކުންފުންޏަކާ ހަވާލުކޮށްފި
ކުވައިތު ފަންޑުގެ އެހީގައި ރާއްޖޭގެ ރަށްރަށުގައި އިމާރާތްކުރާ ހަތް ހޮސްޕިޓަލުގެ މަސައްކަތް މިއަދު ބަޔަކާ ހަވާލުކޮށްފިއެވެ.
ހެލްތް މިނިސްޓްރީން ވިދާޅުވީ ކުވައިތު ފަންޑުގެ ދަށުން ހދ. ހަނިމާދޫ، ސ. މިލަންދޫ، ނ. ވެލިދޫ، ކ. ތުލުސްދޫ، އދ. މާމިގިލި، ވ. ފެލިދޫ އަދި ތ. ވިލިފުށީގައި 30 އެނދުގެ ހޮސްޕިޓަލް އެޅުމުގެ އެއްބަސްވުމުގައި މިއަދު ސޮއިކޮށްފައިވާ ކަމަށެވެ.
މީގެ ތެރެއިން ށ.މިލަންދޫއާއި، ނ.ވެލިދޫއާއި، ކ.ތުލުސްދޫގެ ހޮސްޕިޓަލް މަސައްކަތް ޙަވާލުކޮށްފައިވަނީ އާނަންޑް ބިލްޑް ޓެކް ޕްރައިވެޓް ލިމިޓެޑާއެވެ. އަދި ހދ.ހަނިމާދޫއާއި، ވ.ފެލިދޫއާއި، ތ.ވިލުފުށީގެ އިތުރުން އދ.މާމިގިލީގެ ހޮސްޕިޓަލްގެ މަސައްކަތް ޙަވާލުކޮށްފައިވަނީ ޑުޕްލެކްސް ޕްރައިވެޓް ލިމިޓެޑާއެވެ.
މި 7 ރަށުގައި ހޮސްޕިޓަލު ތަރައްޤީކުރަނީ ތިމާވެއްޓާއި ރައްޓެހި ޙަކަތަ ބޭޏުންކުރާގޮތަށެވެ. އެގޮތުން ކޮންމެ ހޮސްޕިޓަލެއްގައިވެސް 150 ކިލޯވޮޓްގެ ސޯލާޕީވީ ނިޒާމު ޤާއިމުކުރުމަށްވަނީ ހަމަޖެހިފައެވެ.
މި ހުރިހާ ހޮސްޕިޓަލްތަކެއްގެ މަސައްކަތްވެސް ދޮޅު އަހަރުތެރޭގައި ތެރޭގައި ނިންމައި ސަރުކާރާއި ޙަވާލުރަންޖެހެއެވެ. ހެލްތު މިނިސްޓްރީން ވިދާޅުވީ އެ ހޮސްޕިޓަލްތައް ހެދުމަށް ކުވެއިތު ފަންޑުން 686 މިލިއަން ރުފިޔާ ދީފައިވާ ކަމަށެވެ.
