ފަލަސްތީނުގެ ޒުވާނަކު ޖަލުން މިނިވަންވެ ބައްޕައާއި ބައްދަލުވި އަސަރުގަދަ ވަގުތުކޮޅު
އިސްރާއީލުގެ އަނިޔާވެރި ޖަލުތަކުގައި ފަލަސްތީނުގެ އެތައްހާސް ރައްޔިތުން ހައްޔަރުކޮށްފައިވާއިރު، މީގެ ތެރެއިން ގިނަ މީހުންނަކީ ކުށެއްނެތި ހައްޔަރުކޮށްފައިވާ މީހުންނެވެ.
އަދި ގިނަ މީހުންނަކީ ދިގު މުއްދަތަކަށް ޖަލުގައި ހައްޔަރުކޮށްފައިވާ މީހުންނެވެ.
ފަލަސްތީނުގެ ޚަބަރުތައް ގެނެސްދޭ "ފަލަސްތީން އޮންލައިން" އިން އާންމުކޮށްފައިވާ ވީޑިއޯއެއްގައި ފެންނަނީ މީގެ ފަސް އަހަރު ކުރިން އިސްރާއިލުން ހައްޔަރުކުރި ފަލަސްތީނުގެ ޒުވާނަކު މިނިވަންވެ، އޭނާގެ ބައްޕަ އާއި ބައްދަލުވި އަސަރު ގަދަ ވަގުތުކޮޅެވެ.
ފަލަސްތީނުގެ ޒުވާނާ މުޙައްމަދު އަބޫ އަލް ހަމާމް ޖަލުން މިނިވަން ވުމާއެކު ދުވެފައި ގޮސް ބައްޕަގެ ގައިގައި ބައްދާލައިގެން ހުރެ، ރޮމުންދާ މަންޒަރަށް ގިނަ ބައެއްގެ ސަމާލުކަން ވަނީ ލިބިފައެވެ.
https://twitter.com/OnlinePalEng/status/1663928249380904965
ފަލަސްތީނުގެ ރައްޔިތުންނަށް ކޮންމެ ދުވަހަކުވެސް އިސްރާއީލު ސިފައިންގެ އަނިޔާއާއި ދުއްތުރާ ކުރިމަތި ވަމުން އަންނައިރު، ކުށަކާއި ނުލައި އެކި އެކި ތުހުމަތުތައްކޮށް ފަލަސްތީނުގެ އެތައް ރައްޔިތުންނެއް ކޮންމެ ދުވަހަކުވެސް އިސްރާއިލުން ދަނީ ހައްޔަރުކޮށް އަނިޔާ ކުރަމުންނެވެ.
Ads by STO
