Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ރާއްޖެ މިއޮތީ ބޮޑު ފިޔާ ޕޮލިޓިކްސްގައި ތާށިވެފައި: އަލީ ހުސެއިން

ރާއްޖެ މިއޮތީ ބޮޑު ފިޔާ ޕޮލިޓިކްސްގައި ތާށިވެފައި: އަލީ ހުސެއިން

މިއަދު ދިވެހި ރާއްޖޭގެ ސިޔާސީ މަޝްރަޙް އޮތީ ބޮޑު ފިޔާގެ ތެރޭގައި ތާށިވެފައި ކަމަށް ވިދާޅުވެ, މި ސަރުކާރަށް އަވައްޓެރި އިންޑިއާގެ ނުފޫޒު ބޮޑު ކަމަށް ކެންދޫ ދާއިރާގެ މެންބަރު އަލީ ހުސެއިން ތުހުމަތު ކުރައްވައިފިއެވެ.

އަލީ ހުސެއިން މިހެން ވިދާޅުވެފައިވަނީ ޖުމްހޫރީ ޕާޓީގެ ރިޔާސީ ކެންޕެއިން ކުރުމަށް މިރޭ ބޭއްވި ޖަލްސާއެއްގައެވެ. ވަރަށް ޖޯޝާއި ފޯރީގައި އަލީ ހުސެއިން ވަނީ ސަރުކާރާއި ސަރުކާރުގެ ސިޔާސަތުތަކަށް ފާޑު ވިދާޅުވެފައެވެ.

”މިފެންނަނީ ބޮޑު ފިޔާ ބަސްތާ އެއްގެ މެދުގައި އަޅުގަނޑުމެން މި އޮންނަނީ ތާށިވެފައި. ބޮޑު ފިޔާ ޕޮލިޓިކްސް ތެރޭގައި ތާށިވެފައި އޮންނަން ޖެހޭފަދަ ނިކަމެތި ބައެއް ނޫން އަޅުގަނޑުމެންނަކީ,” ރާއްޖޭގައި ތިބި އިންޑިއާގެ މިލިޓަރީ މީހުންގެ އަދަދު ހާމަކޮށްފިނަމަ, ކާޑުގެ ގެންނަން ބުރުއަރާނެ ކަމަށް އިންފޮމޭޝަން ކޮމިޝަނުން ނޫސްވެރިޔަކަށް އެންގެވުމުން އެކަމަށް އިޝާރާތްކޮށް ވިދާޅުވިއެވެ.

Advertisement
Ooredoo — Square (box)

އަލީ ހުސެއިން ވިދާޅުވީ, ކާބަފައިންގެ ޒަމާނުއްސުރެ ރާއްޖޭގައި މީހުން އުޅެމުން އައީ ސަލާން ޖަހައިގެން ނޫން ކަމަށާއި, އެކަން މިއަދު ކުރަން ފަށަން ޖެހޭ ސަބަބެއް ނުވިސްނޭ ކަމަށެވެ. އަދި ރާއްޖޭގެ މަހާއި, ފަނާއި އެނޫންވެސް ތަކެތި ބޭރު މީހުންނަށް ވިއްކައިގެން ރާއްޖޭގައި އުޅެމުން އައިކަން ފާހަގަ ކުރައްވަމުން, އަލީ ހުސެއިން ވިދާޅުވީ, މިއަދު އެކަން ނުކުރެވީ މިއަދުގެ ސަރުކާރުގެ ދޯހަޅިކަމުންނާއި ބަލިކަށިކަމުން ކަމަށެވެ.

”މިތާކު ތެެލެއް ނެތޭ. ވަރަށް ނިކަމެއްޗޭ. ބޮޑު ފިޔާކޮޅެއްވެސް ނެތޭ. ކޮންވާހަކައެއްތޯ ތި ވިދާޅުވަނީ. ނުވަންޏާ ފައިބާ ވަޑައިގަންނަވާ.”

އަލީ ހުސެއިންގެ ވާހަކަފުޅުގައި އިތުރަށް ވިދާޅުވީ, އިސްލާމްދީނުގެ ނިއުމަތާއެކު އިތުރު ބޮޑު ނިއުމަތެއް ރާއްޖެއަށް ލިބިފައިވާ ކަމަށާއި, އެއީ ހުސްނުވާ ރީތިކަން ކަމަށެވެ. އަދި ރާއްޖެއަކީ އޭގެ ބޭނުންކޮށްގެން އަޅުވެތިނުވެ އުޅެވޭނެ ތަނެއް ކަމަށާއި, ނަމަވެސް ޤައުމު އަޅުވެތި ކުރަން ބޭނުންވާ ބައެއް ތިބޭނެ ކަމަށާއި އެކަމަށް ސަމާލުވާން އަލީ ހުސެއިން އެދިލެއްވިއެވެ.

”އިސްލާމްދީން އަޅުގަނޑުމެންނަށް ދަސްކޮށްދޭ އެންމެ މުހިންމު އެއްކަމަކީ އަޅުވެތިކަމަށް ޖާގަ ނުދިނުން. އަޅުގަނޑުމެން އަޅުކަން ކުރާނީ އެންމެ ފަރާތަކަށްކަން. އެހެން އެއްވެސް ޤައުމަކަށް, މީހަކަށް, ދައުލަތުގެ ވެރިޔަކަސް އަޅުގަނޑުމެން އަޅުކަން ކުރަން ނުޖެހޭނެކަން އެއީ އިސްލާމްދީން ޙަޤީޤަތުގައި ދަސްކޮށްދޭން ޖެހޭ ކަމަކީ. އަޅުވެތިވާން ޖެހޭނީ އެންމެ ކަމަކަށް.” އަލީ ހުސެއިން ވިދާޅުވިއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.