ދީނަށް ގޮންޖަހަން ބޭނުންކުރާ ހަތިޔާަރަކަށް ދެން އެމްޑީޕީ ނުހެދޭނެ: ނިޒާރު

ދީނާއި ސަޤާފަތަށް ގޮންޖަހަން ބޭނުންކުރާ ހަތިޔާރަކަށް އެމްޑީޕީ ދެނެއް ނުހެދޭނެ ކަމަށް އައްޑޫ ސިޓީގެ މޭޔަރު ޢަލީ ނިޒާރު ވިދާޅުވެއްޖެއެވެ.

Ads by MWSC

ނިޒާރު މިފަދައިން ވިދާޅުވެފައި މިވަނީ، ވެރިކަން ކުރާ މައި ޕާޓީ، އެމްޑީޕީއަށް 18 އަހަރު ފުރުމާ ގުޅިގެން އެ ޕާޓީގެ މެންބަރުންނަށް ތަހުނިޔާ ފޮނުއްވަމުންނެވެ.

އެމްޑީޕީއަށް 18 އަހަރު ވެގެންދިޔައިރު، އެ ޕާޓީއަށް އައި އެންމެ ބޮޑު ބަދަލަކީ، އެ ޕާޓީގެ ރައީސްގެ މަޤާމުގައި ހުންނެވި މުޙައްމަދު ނަޝީދު އާއި އެމަނިކުފާނާ އަރިސް މެމްބަރުންތަކެއް އެ ޕާޓީން ވަކިވުމެވެ.

މިކަމާ ގުޅިވައި ޢަލީ ނިޒާރު މިއަދު ވިދާޅުވީ ޒަމާންވީ އާއިލީ ބާރާއި ކަސްތޮޅުގެ ސަގާފަތުން މިނިވަންވެފައިވާ ފުރަތަމަ ސިޔާސީ ފިކުރަކަށް އެމް.ޑީ.ޕީ މިއަދު ވެފައިވާ ކަމަށާއި، އެ ޕާޓީގެ މުސްތަޤްބަލް ފެންނަނީ ކުރިއަށްވުރެ އުޖާލާކޮށް ކަމަށެވެ.

“ދިވެހިންގެ ދީނާއި ސަޤާފަތަށް ގޮންޖަހަން ބޭނުންކުރާ ހަތިޔާރަކަށް ދެނެއް އެމްޑީޕީ ނެހެދޭނެ.” ޢަލީ ނިޒާރު ވިދާޅުވެފައިވެއެވެ.

ރައީސް ނަޝީދަށް ތާއީދު ކުރައްވާ ފަރާާތްތަކުން މިހާރު މަސައްކަތް ކުރަމުންދަނީ "ދަ ޑިމޮކްރެޓްސް"ގެ ނަމުގައި އައު ސިޔާސީ ޕާޓީއެއް އުފެއްދުމަށެވެ. އެ ޕާޓީން މަސައްކަތް ކުރަމުންދަނީ އިދިކޮޅު ޕީޕީއެމް-ޕީއެންސީއާއި އިއްތިހާދު ވުމަށެވެ.