ފުލުހުން ވިދާޅުވީ، އަމީނީމަގުގައި ޤަވާއިދާ ޚިލާފަށް އެއްގަމު އުޅަނދު ޕާކުކޮށްފައި ހުރުމުގެ ސަބަބުން ޓްރެފިކް ތޮއްޖެހި ހިނގާ ބިނގާވާ މީހުުންނަށާއި ދުއްވާ އުޅަނދުފަހަރަށް ދަތިވާކަން ވަނީ ފާހަގަ ކުރެވިފައި ކަމަށެވެ.
އެހެންކަމުން، 2023 ޖުލައި ހަ ވަނަ ދުވަހުން ފެށިގެން ތިކް ދުވަހުގެ މުއްދަތަށް ބެލުމަށްފަހު، އަމީނީމަގުގައި ގަވާއިދާ ހިލާފަށް ޕާކުކުރާ އުޅަނދުތައް ޓޯކުރުމުގެ މަސައްކަތް ކުރިއަށް ގެންދާނެ ކަމަށްވެސް ފުލުހުން ހާމަކުރައްވައެވެ.
ފުލުހުން ވިދާޅުވީ، އަމީނީމަގު ހެދުމުގެ މަސައްކަތް ކުރިއަށްދާތީ، އަމީނީމަގާ ގުޅިފައިވާ މަގުތަކާއި ގޯޅިތައް، ޗާޓުގައި ފާހަގަކޮށްފައިވާ ގޮތަށް އާންމު ދަތުރުފަތުރަށް ބަންދުވާނެ ކަމަށެވެ.
މާލޭގެ ބައެއް ސްކޫލްތަކުގެ އިތުރުން، ސަރުކާރުގެ ބައެއް އިދާރާތަކާއި މުއައްސަސާތައް ހުންނަ އަމީނީމަގަކީ އާންމު ގޮތެއްގައި ގިނަ މީހުން ބޭނުންކުރާ އެއް މަގެވެ.
Ads by STO
