ދަ ޑިމޮކްރެޓްސް އުފެއްދުމުގެ ޖަލްސާ ފަށައިގެން ކުރިޔަށް، ޕާޓީގެ ކުލައާއި ލޯގޯ ފާސްކޮށްފި
"ދަ ޑިމޮކްރެޓްސް" އުފެއްދުމުގެ ޖަލްސާ ފަށައި، ޕާޓީގެ ކުލަ އާއި ލޯގޯ ފާސްކޮށްފިއެވެ.
ޣިޔާސުއްދީން ސްކޫލްގައި ކުރިއަށްދާ އެ ޖަލްސާގައި ރައީސް ނަޝީދާއި، އެމްއެންޕީއާއި، ޕީޕީއެމް، ޕީއެންސީގެ އިސްވެރިން ބައިވެރިވެއެވެ.
އެޕާޓީގެ ފުރިހަމަ ނަން 'ދަ ޑިމޮކްރެެޓްސް'ގެ އިތުރުން ރަމްޒީ ނަމެއްގެ ގޮތުގައި އާއްމުކޮށް ކިޔާ ނަމެއްގެ ގޮތުގައި “ޑިމޮކްރެޓްސް” ވަނީ ފާސްކޮށްފައެވެ.
ލޯގޯގެ ގޮތުގައި ފާސްކުރީ “އެސްޓްރިކް”އެވެ. އެ ލޯގޯ އިން ރަމްޒުކޮށްދެނީ ދިވެހި ރުކާއި މުރަކައެވެ.
"ދަ ޑިމޮކްރެޓްސް"ގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަނުން ދެއްވާފައިވަނީ މެއި މަހުގެ 24 ވަނަ ދުވަހު ހެންވޭރު ހުޅަނގު ދާއިރާގެ މެންބަރު ޙަސަން ލަތީފަށެވެ. ޑިމޮކްރެޓްސް އަކީ ރައީސް ނަޝީދު އުފެއްދެވި “ފިކުރެއްގެ ދިރުން” ހަރަކާތުގައި އިސްކޮށް އުޅުއްވި ބޭފުޅުން އުފައްދަވާ ޕާޓީއެކެވެ.
ރައީސް ނަޝީދު ވަނީ ދާދި ފަހުން އެމްޑީޕީން ވެސް ވަކިވެވަޑައިގެންފައެވެ.
Ads by STO
