ގައިދީންނަށް ހާއްސަކޮށްގެން ރިހެބިލިޓޭޝަން ޕްރޮގްރާމެއް ފަށައިފި

މޯލްޑިވްސް ކަރެކްޝަނަލް ސަރވިސް (އެމްސީއެސް)އިން، ރިހެބިލިޓޭޝަން ފްރޭމްވަރކްގެ ފޭސް އެކެއްގެ 19 ވަނަ ބެޗް، މާފުށީ ޖަލުގައި ފަށައިފިއެވެ.

Ads by STELCO

މިއީ 55 ފިރިހެން ގައިދީން ބައިވެރިވާ ބެޗެކެވެ.

ކަރެކްޝަނުން ވިދާޅުވާ ގޮތުގައި، ރިހެބިލިޓޭޝަން ފްރޭމްވަރކް ތައާރަފްކުރުމުގެ މަގުސަދަކީ ޤައިދީން އިސްލާހުކޮށް، އެމީހުންނަށް ތަޢުލީމާއި ހުނަރު އުނގަންނައިދީ، މުޖްތަމަޢަށް ނުކުންނައިރު އެ މީހުންނަކީ އާމްދަނީއެއް ލިބޭނޭފަދަ ބަޔަކަށް ހެދުމެވެ.

ރިހެބިލިޓޭޝަން ފްރޭމްވަރކް އެކުލެވިގެންވަނީ ހަތަރު ފިޔަވައްސެއްގެ މައްޗަށެވެ.

އެއީ ޤައިދީންގެ ކިބާގައި "ޑިސިޕްލިން" އަށަގެންނެވުމާއި، އެމީހުންނަށް ސައިކޮލޮޖީ ޕްރޮގްރާމްތައް ހިންގުމާއި، "އެޑިއުކޭޝަން އެންޑް ވޮކޭޝަން" ދަސްކޮށްދިނުމުގެ އިތުރުން، "ޕްރިޒަން ކޮމިއުނިޓީ ސަރވިސް"އެވެ.