Tuesday, 17 November 2026
Advertisement
MWSC — SmartMeter (leaderboard)
ޚަބަރު

މުއިއްޒުގެ ވާހަކަތަކުން ޤަބޫލުކުރަންވީ ކޮންވާހަކައެއް ކަމެއް ނޭނގުނު: އިޔާޒް

މުއިއްޒުގެ ވާހަކަތަކުން ޤަބޫލުކުރަންވީ ކޮންވާހަކައެއް ކަމެއް ނޭނގުނު: އިޔާޒް

އިދިކޮޅު ޕީޕީއެމް/ޕީއެންސީގެ ކެންޑިޑޭޓް ޑރ. މުހައްމަދު މުއިއްޒުގެ ވާހަކަތަކުން ޤަބޫލުކުރަންވީ ކޮންވާހަކައެއް ކަމެއް ނޭނގުނު ކަމަށް އަދާލަތު ޕާޓީގެ އިލްމުވެރިންގެ މަޖިލީހުގެ މެމްބަރު ޑރ.މުހައްމަދު އިޔާޒު ވިދާޅުވެއްޖެއެވެ.

ގައުމަށް ގައްދާރުވާ މީހުންނަށް އަދަބު ދޭން ގާނޫނެއް ހަދާނެ ކަމަށް މުއިއްޒު ވިދާޅުވުމާއި ގުޅިގެން އިޔާޒު ވިދާޅުވީ އެންމެ ފުރަތަމަަ ދުވަހުވެސް ކުރައްވާނެ ކަމަކީ ދިވެހި ރައްޔިތުންގެ ޚަޒާނާއަށް އެންމެ ބޮޑަށް ޣައްދާރުވީ ފަރާތް ކަމުގައިވާ ރައީސް ޔާމީން އަބްދުލްޤައްޔޫމް މިނިވަންކުރުން ކަމަށް މުއިއްޒު ވިދާޅުވެފައިވާ ކަމަށެވެ.

" އެހެންވީމާ މިވާހަކަތަކުން ޤަބޫލުކުރަންވީ ކޮންވާހަކައެއް ކަމެއް ނޭނގުނު" އިޔާޒް ވިދާޅުވިއެވެ.

Advertisement
Allied Insurance — Square (box)

ރ. ދުވާފަރުގައި ރޭ ބޭއްވި ކެމްޕޭން ޖަލްސާގައި ވާހަކަދައްކަމުން މުއިއްޒު ވިދާޅުވީ މިހާރު ފެންނަނީ ގައުމަށް ގައްދާރުވެ މިނިވަންކަން ދޫކޮށްލަން އެއްބަސްވާތަން ކަމަށާއި މި ގައްދާރުވުމަކީ ދޫކޮށްލެވޭނެ ކަމެއް ނޫން ކަމަށެވެ.

އަދި ގައުމު ހަމަ މަގަށް އަޅުވާ ކަމަށްވާނަމަ ގައުމަށް ގައްދާރުވުން ނިމުމަކަށް ގެންނަންޖެހޭ ކަމަށާއި އެގޮތުން ގައުމަށް ގައްދާރުވުމުގެ ކުށާއި އޭގެ އަދަބު ބަޔާންކުރާ ގާނޫނެއް ތައާރަފްކުރާނެ ކަމަށް މުއިއްޒު ވިދާޅުވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.