Tuesday, 17 November 2026
Advertisement
MWSC — SmartMeter (leaderboard)
ޚަބަރު

ރިޔާސީ އިންތިޚާބުގައި ރައީީސްއަށް 56 އިންސައްތައަށް ވުރެ މަތިން ލިބޭނެ: ފައްޔާޒު

ރިޔާސީ އިންތިޚާބުގައި ރައީީސްއަށް 56 އިންސައްތައަށް ވުރެ މަތިން ލިބޭނެ: ފައްޔާޒު
އެމްޑީޕީގެ ރިޔާސީ ކެންޑިޑޭޓް، ރައީީސް އިބްރާހީމް މުޙައްމަދު ޞާލިޙު، އަންނަ ހޮނިހިރު ދުވަހު ބާއްވާ އިންތިޚާބު ކާމިޔާބު ކުރައްވާނީ، 56 އިންސައްތައަށްވުރެ މަތިން ކަމަށް އިކޮނޮމިކް މިނިސްޓަރު، އަދި އެމްޑީޕިގެ ޗެއާޕާސަން ފައްޔާޒު އިސްމާއީލް ވިދާޅުވެއްޖެއެވެ.

ކާނިވަލުގައި ރޭ ބޭއްވި "އުފާވެރި މާލެ" ޖަލްސާގައި ފައްޔާޒް ވިދާޅުވީ މި ކެމްޕޭންގައި، ފައްޔާޒު ބަލަހައްޓަވާ ޑޭޓާތަކުން ނަތީޖާ ވަރަށް ސާފުކޮށް ފެންނަން އެބައޮތް ކަމަށެވެ.

އަދި ރައީސް ޞާލިޙު "އެއްބުރުން" ރިޔާސީ އިންތިޚާބު ކާމިޔާބު ކުރައްވާނީ ބޮޑު އަޣުލަބިއްޔަތަކުން ކަމަށް ވިދާޅުވިއެވެ.

"މި ކެމްޕޭނުގައި އެ ބުނާ ޑޭޓާ ބަލަހައްޓާ ކުއްޖަކީ އަޅުގަނޑު. ތި ބޭފުޅުންނަށް ޔަޤީންކަމާއި ކަށަވަރުކަމާ އެކީގައި މި ދަންނަވަނީ 56 ޕަސެންޓަށް ވުރެން އެންމެ ވޯޓަކުން ވެސް އަޅުގަނޑުމެން ތިރިއެއް ނުވާނެކަން," ފައްޔާޒް ވިދާޅުވިއެވެ.

Advertisement
Ooredoo — Square (box)
ފައްޔާޒު ވަނީ އެމްޑީޕީ އާއި ވަކިވެ، އައު ސިޔާސީ ޕާޓީއެއް އުފައްދައިގެން މަސައްކަތް ކުރާ "ދަ ޑިމޮކްރެޓްސް"އަށް ބަހުގެ ހަމަލާތަކެއް ވެސް ދެއްވައިފައެވެ. އެގޮތުން މިނިސްޓަރު ވިދާޅުވި ގޮތުގައި އަމިއްލަ އެދުމުގައި ނުކުމެ ބޭނުން ވަނީ އަނިޔާވެރިކަން އިޔާދަކުރާށެވެ. ފައްޔާޒު ވިދާޅުވީ، ވެރިކަން ނުލިބުމުން، ނުވަތަ ސަރުކާރުގައި ބައިވެރިނުވެވެވުމަކީ  ދެން ތިބި ރައްޔިތުންނަށް އޭގެ ހަސްކާ ދޭން ޖެހޭ ކަމެއް ނޫން ކަމަށެވެ. ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބަށް، މި ފަހަރުގެ އިންތިޚާބުގައި ލިބިވަޑައިގަންނަވާނީ ހަތަރު ވަނަ ކަމަށް ވެސް ފައްޔާޒު ވިދާޅުވިއެވެ.

 

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.