މިއީ ފެށުމެއް, ކުރިޔަށް އޮތީ ކާމިޔާބީ: މައުމޫން

އަޙްްމަދު ފާރިސް މައުމޫނަށް އިއްޔެ ބޭއްވި ރިޔާސީ އިންތިޚާބުގައި ތާއީދު ކުރެއްވި ފަރާތްތަކަށް އޭނާގެ ބައްޕާފުޅު ރައީސް މައުމޫން އަބްދުލްޤައްޔޫމް ޝުކުރު ދަންނަވައިފިއެވެ.

"ފާރިސް ގެ ކެމްޕެއިންގައި މަސައްކަތް ކޮށްދެއްވި ހުރިހާ ލޮބުވެތި އަޚުންނާ އުޚްތުންނަށް ވަރަށް ބޮޑަށް ޝުކުރު ދަންނަވަން." ރައީސް މައުމޫން ކުރެއްވި ޓްވީޓެއްގައި ވިދާޅުވިއެވެ.

އިއްޔެ އިންތިޚާބުގައި ފާރިސްއަށް ލިބިވަޑައިގަތީ, 2979 ވޯޓެވެ. އެއީ ވޯޓްލީ މީހުންގެ 1.35 އިންސައްތައެވެ.

މައުމޫން ކުރެއްވި ޓްވީޓްގައި އިތުރަށް ވިދާޅުވެފައިވަނީ, މިއީ ހަމައެކަނި ފެށުމެއް. ކުރިއަށް އޮތީ ﷲ ގެ އިރާދަފުޅާ އެކު ފުރިހަމަ ކާމިޔާބީ ލިބޭނެ ކަމަށެވެ.