ޗޯރު އިބޫ ކިޔުމުގެ ބޭނުމެއް ނެތް، ހަޤީޤީ ޗޯރު އިނީ ޖަލުގައި: އަސްލަމް
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙަށް "ޗޯރު އިބޫ" ކިޔުމުގެ ބޭނުމެއް ނެތްކަމަށާއި "ހަޤީޤީ ޗޯރު އިނީ ޖަލުގައި" ކަމަށް ރައީސް ޞާލިޙުގެ ރަނިންމޭޓޫ ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވިދާޅުވެއްޖެ އެވެ.
އެމްޑީޕީގެ ހަރުގޭގައި ކެމްޕޭން ހަރަކާތްތެރިންނާއެކު ބޭއްވި ބައްދަލުވުމެއްގައި ވާހަކަފުޅު ދައްކަވަމުން އަސްލަމް ވިދާޅުވީ ރައީސް ޞާލިޙަށް "އިބޫ ޗޯރު" ގެ ނަމުން ގޮވައި އިދިކޮޅުން ފަތުރަމުންދަނީ ދޮގު ބުހުތާނު ވާހަކަތަކެއްކަމަށާއި ހަޤީޤީ "ޗޯރު" އިންނެވީ ޖަލުގައި ކަމަށެވެ. ސީދާ ނަން ވިދާޅުނުވިނަމަވެސް އަސްލަމް އިޝާރާތް ކުރެއްވީ 11 އަހަރަށް ޖަލަށްލާފައިވާ އިދިކޮޅު ލީޑަރު، ކުރީގެ ރައީސް އަބްދުﷲ ޔާމީނަށެވެ.
"ޗޯރު އެ އިނީ ޖަލުގައި. ޗޯރުން އަދިވެސް ތިބޭނީ ޖަލުގައި. ޗޯރު އެ ގޮވަނީ ހަގީގަތުގައި ޗޯރުން. އެއީ ހިޔާނަތްތެރިންނަކީ،" އަސްލަމް ވިދާޅުވި އެވެ.
އިންޑިއާ އާއި ސްރީލަންކާއާ އަދި ޔޫރަޕާއި ގުޅުން ކަނޑާލަން ޖާގަ ނުދެވޭނެ ކަމަށާއި ޤައުމަށް ހިޔާނާތްތެރިވާން ޖާގަ ނުދެވޭނެ ކަމަށާއި އަސްލަމް ވިދާޅުވި އެވެ. އަދި މިޤައުމު އަފްގާނިސްތާނުގެ "ކަންދަހާރަށް" ހަދަން ވެސް ޖާގަ ނުދެވޭނެ ކަމަށާއި ރައީސް ޔާމީނުގެ ސަރުކާރުގައި ރައްޔިތުންނަށް ފެނުނު އަނިޔާވެރިކަމާއި ނާމާންކަމުގެ ތެރެއަށް އަނބުރާ ނުދެވޭނެ ކަމަށްވެސް އަސްލަމް ވިދާޅުވި އެވެ.
"ސޮރީ ދެވޭކަށް ނެތް. އެ ބިރުވެރިކަމާއި ނާމާންކަމުގެ ތެރެއަށް ދެވޭކަށް ނެތް. ގައުމު ސަލާމަތުގެ އައްސޭރިއަށް ގެންދަންޖެހޭ، ހިނގަމުން މިދާ ހަމަޖެހުމުގައި ދެމިތިބެން އެބަޖެހޭ. އެއީ އުފާވެރި އަމާން ރާއްޖެއަކީ،" އަސްލަމް ވިދާޅުވި އެވެ.
101،635 ވޯޓާއެކު ރިޔާސީ އިންތިހާބުގެ ފުރަތަމަ ބުރުގައި އެންމެ ގިނަ ވޯޓް ހޯއްދެވީ ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒެވެ. އަދި ރައީސް ޞާލިޙަށް ލިބިވަޑައިގަތީ 86،161 ވޯޓެވެ.
ރާއްޖޭގައި ތިޔަ ބުނާކަހަލަ ޗޯރުން ވަރަށް ގިނަ ކީއްވެ އެ އެންމެންގެ މައްސަލަ ނުބަލަނީ އަދި ޖަލަށް ނުލަނީ އެންމެ މީހެއްގެ މައްސަލަ ބެލުމަކުން ނުނިމޭނެ ވީމާ ތިއީވެސް އަނިޔާވެން
ވަރަށް ހިތުގަ ޖެހިއްޖެދޯ؟އެކަމަކު ބުނަންތަ ވާހަކައެއް އަދިވެސް ކަލެޔަށްވުރެން ތާއީދު ބޮޑުވާނެ.ދެން މިފަހަރު ވަރަށް ދެރަކޮށް މި ދިމާވީ.ނައިބު ރައީސްކަންވެސް ނުލިބުނީ.ދެރަނުވޭ.ކޮންމެވެސް ދުވަހަކުން ލިބިދާނެ.
ރައްޔިތުން ޗޯރޭއަށް ނޫނެކޭބުނެފި. ދެން ބާމުދަލެއްނުވިކޭނެ. ބާވެ ގިނަދުވަސްވާމުދާ ވިއްކަންމިހާރު މާލަސްވެއްޖެ. ބާމުދާ ވިއްކާނީ ބޮޑުތަނުން ސޭލުއަޅުވައިގެން އެވަރުވެސް ނޭންގޭ ގަމާރުން ކާރިކުރީމާވާނީ ތިހެން.
ދައްކާނަން ޗޯރުކަން އިނގޭ އަސްލަމާ
ބޮޑު ވަގު ޖަލުގަ.
ދެން ކީކޭތަ ކިޔަންވީ ބޭބީ ޝާކް ކީމަ ރަނގަޅެއްނު
ގާތް ތިމާގެ ބަޔަކު ގެނައި ބޯޓް ކަޓުވާލީ ކާކު! ޔާމީނު ނަންވާނީ!!!