ރިޔާސީ އިންތިޚާބު 2023: ދެވަނަ ބުރުގައި އަލަށް 408 ޒުވާނުން ވޯޓު ލާނެ

މި މަހުގެ 30 ވަނަ ދުވަހު އޮންނަ ރިޔާސީ އިންތިޚާބުގެ ދެވަނަ ބުރުގައި އަލަށް ވޯޓު ލެވޭ 408 ޒުވާނުން ހިިމެނޭކަމަށް އިލެކްޝަން ކޮމިޝަން (އީސީ) އިން ވިދާޅުވެއްޖެއެވެ.

Ads by Sosun Fihaara

އީސީގެ ނާއިބު ރައީސް އިސްމާޢީލް ހަބީބު މިއަދު ކުރެއްވި ޓްވީޓެއްގައި ވިދާޅުވީ، ރިޔާސީ އިންތިޚާބުގެ ދެވަނަ ބުރުގެ ވޯޓުލުމުގެ ޙައްޤު ލިބިފައިވާ މީހުންގެ ލިސްޓަށް ސެޕްޓެމްބަރު 30، އަށް 18 އަހަރު ފުރޭ މީހުން އިތުރުކުރެވިފައިވާ ކަމަށެވެ.

ހަބީބް ވިދާޅުވި ގޮތުގައި އަލަށް ވޯޓުލެވޭ ޒުވާނުންގެ ތެރޭގައި ހިމެނެނީ، 196 އަންހެނުންނާއި، 212 ފިރިހެނުންނެވެ.

އީސީން ވަނީ އިތުރުވި ޒުވާނުންގެ ލިސްޓު މިއަދު އާންމުކޮށް ސަރުކާރުގެ ގެޒެޓުގައި ޝާއިޢު ކުރައްވައިފައެވެ.

އިންތިޚާބުގެ ދެވަނަ ބުރުގައި 282،803 މީހުންނަށް ވޯޓު ލެވޭނެއެވެ.