Tuesday, 17 November 2026
Advertisement
Ooredoo — Airfibre (leaderboard)
ރައްޔިތުންގެ މަޖިލިސް

އިންތިޚާބީ ރައީސް ހުވާ ކުރުމުގެ ރަސްމިއްޔާތު ކުރިއަށް ގެންދަން ބޭނުންވަނީ އިތުބާރު އޮތް ރައީސްއަކާ އެކު: އެމްޑީޕީ

އިންތިޚާބީ ރައީސް ހުވާ ކުރުމުގެ ރަސްމިއްޔާތު ކުރިއަށް ގެންދަން ބޭނުންވަނީ އިތުބާރު އޮތް ރައީސްއަކާ އެކު: އެމްޑީޕީ

އިންތިޚާބީ ރައީސް ހުވާ ކުރުމުގެ ރަސްމިއްޔާތު ކުރިއަށް ގެންދަން ބޭނުންފުޅު ވަނީ އިތުބާރު އޮތް ރައީސްއަކާއެކު ކަމަށް އެމްޑީޕީގެ ޕީޖީން ބުނެފިއެވެ.

އެމްޑީޕީން މިހެން ބުނެފައި ވަނީ މިއަދު ހަވީރު ބޭއްވި އެމްޑީޕީގެ ޕީޖީ ގުރޫޕުގެ ބައްދަލުވުމަކަށް ފަހު ނޫސްވެރިންނާއި ބައްދަލު ކުރައްވައި ވާހަކަ ދައްކަވަމުންނެވެ.

މި ބައްދަލުވުމަށްފަހު ނޫސްވެރިންނާއި ބައްދަލުކުރައްވައި ވާހަކަދައްކަވަމުން ޕީޖީ ލީޑަރު މުހައްމަދު އަސްލަމް ވިދާޅުވީ މެންބަރުންގެ އިތުބާރުނެތް ރިޔާސަތެއް ރައްޔިތުންގެ މަޖިލީހުގައި ބައިންދައިގެން ކުރިއަށް ދާން ބޭނުންނުވާ ކަމަށެވެ.

Advertisement
Ooredoo — Square (box)

އެގޮތުން އިންތިޚާބީ ރައީސް ހުވާ ކުރުމުގެ  ރަސްމިއްޔާތު ކުރިއަށް ގެންދަން ބޭނުންފުޅު ވަނީ އިތުބާރު އޮތް ރައީސްއަކާއެކު ކަމަށް އަސްލަމް ވަނީ ވިދާޅުވެފައެވެ.

ހަމަ އެހެންމެ ރައީސް ނަޝީދުގެ އިތުބާރު ނެތް ކަމުގެ މައްސަލަ 29 ވަނަ ދުވަހު ހުށައަޅަން ޖެހޭނެ ކަމަށާއި މަޖިލީހުގެ އެއްވެސް ކަމެއް ކުރިއަށް ގެންދެވޭނީ އެ މައްސަލާގައި ވޯޓު ނެގުމަށް ފަހު ކަމަށް ވެސް އެމްޑީޕީގެ ޕީޖީ ގުރޫޕުން ވަނީ ބުނެފައެވެ.

އެމްޑީޕީގެ ޕީޖީ ގުރޫޕުން މިއަދު ނިންމާފައި ވަނީ މި ވޯޓު ނުނަގާނަމަ މަޖިލީހުގެ އެއްވެސް ކަމެއް ކުރިއަށް ގެންދިއުމަށް އެއްބާރުލުން ނުދިނުމަށެވެ.

މީގެ އިތުރުން އިތުބާރު ނެތް ރައީސަކާއި އެކު ހުވާކުރުމުގެ ރަސްމިއްޔާތު ކުރިއަށް ގެންގޮސްފިނަމަ ރައީސުލްޖުމްހޫރިއްޔާ ފޮނުވާ ކެބިނެޓަށް އެމްޑީޕީގެ ތާއީދެއް ނުލިބޭނެ ކަމަށް ވެސް އެ ޕާޓީން ވަނީ ބުނެފައެވެ.

އަސްލަމް ވިދާޅުވީ މަޖިލީހުގެ ރިޔާސަތުގައި އިންނަވާ ބޭފުޅާއާއި ގުޅިގެން އެކި ގޮތް ގޮތަށް މަޖިލީހުގެ ގަވައިދު މާނަކޮށް މަޖިލީހުގެ ކަންކަން ކުރިއަށް ނުގެންދެވޭނެ ގޮތްތަށް ރޭވުމަކީ ވެސް އެމްޑީޕީގެ ޕީޖީ ގުރޫޕުން ބަލައިގަންނަ ކަމެއް ނޫން ކަމަށެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.