އެމްޕީއެލް ސަރަޙައްދުން އަނިޔާ ލިބުނު ޒުވާނާގެ ގިނަ އޮޕަރޭޝަންތަކެއް ކޮށްފައިވޭ، ހާލު އަދިވެސް ސީރިއަސް

އެމްޕީއެލް ސަރަޙައްދުގައި އިއްޔެ ދަންވަރު މީހެއްގެ ގައި މައްޗަށް ޓާރފް ރޯލެއް ވެއްޓި ހިނގި ނުރައްކާތެރި ހާދިސާގައި އަނިޔާވި މީހާގެ ގިނަ އޮޕަރޭޝަންތަކެއް ކޮށްފިއެވެ.

Ads by MWSC

އައިޖީއެމްއެޗްގެ މީޑިއާ އޮފިޝަލު "ދެން" އަށް މައުލޫމާތު ދެއްވަމުން ވިދާޅުވީ އެމީހާގެ ހާލު ސީރިއަސް ކަމަށާއި މިވަގުތު އޮތީ އައިސީޔޫގައި ކަމަށެވެ.

"އެމީހާގެ ގިނަ އޮޕަރޭޝަންތަކެއް ކޮށްފައިވޭ. މިވަގުތު އައިސީޔޫގައި ފަރުވާ ދެމުންދަނީ" އޮފިޝަލު ވިދާޅުވިއެވެ.

މިޙާދިސާގައި އަނިޔާވެފައި ވަނީ އިމްރާން ޢަލީ ކިޔާ އުމުރުން 28 އަހަރުގެ ދިވެހި ފިރިހެނަކަށެވެ.

"މިނާ އިންވެސްޓްމަންޓް" ކިޔާ ކްލިއަރަންސް ގްރޫޕަކުން ޓަރފް ކާޕެޓު ރޯލުތަކެއް ދޯންޏަކަށް އެރުވުމުގެ ތެރޭގައި، އިމްރާންގެ ގައިމައްޗަށް ޓަރފް ރޯލް ވެއްޓިފައި ވަނީ އިއްޔެ ރޭ ދަންވަރު 2:15 ހާއިރެވެ.