ރޮޒައިނާ ޑރ. މުޢިއްޒުއަށް: އެހީތެރިކަން ބޭނުންވާނީ އަންހެން މެންބަރުންގެ ކެމްޕޭނަށް، މަޖިލިހަށް ހޮވުނީމައެއްނޫން
ރައްޔިތުންގެ މަޖިލީހުގެ އިންތިޚާބުގައި ބައިވެރިވެވަޑައިގަންނަވާ އަންހެން ބޭފުޅުންނަށް އެހީތެރިކަން ބޭނުންފުޅުވާނީ މަޖިލީހަށް ހޮވެން ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ، ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ވީހާވެސް ގިނަ އަންހެން ބޭފުޅުން ބައިވެރިވެވަޑައިގަތުމަށް އިންތިޚާބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގޮވާލައްވާފައިވާ ދަނޑިވަޅެއްގައެވެ. އަދި އެމަނިކުފާނު ވަނީ މިކަމަށް ހިތްވަރު ދިނުމުގެ ގޮތުން، މެންބަރަކަށް މަޖިލީހުން ލިބޭ މުސާރަޔާއި އެލަވަންސްގެ އިތުރުން ޕާޓީއިން ޚާއްސަ އެލަވަންސެއް ދޭގޮތަށް ހަމަޖައްސަން އެމަނިކުފާނު މަސައްކަތް ކުރާނެ ވާހަކަ ވިދާޅުވެފައެވެ.
އެކަމާ ގުޅިގެން ރޮޒައިނާ ކުރެއްވި ޕޯސްޓެއްގައި ވިދާޅުވީ، އަންހެން މެންބަރުންނަށް އެހީތެރިކަން ބޭނުންވަނީ މަޖިލީހަށް ހޮވުނީމައި ނޫންކަމަށާއި ޑރ. މުޢިއްޒު އެހެން ވިދާޅުވުމުން އެމަނިކުފާނުގެ އިޚްލާސްތެރިކަމާމެދު ސުވާލު އުފެދޭކަމަށެވެ.
"އިންތިޤާލީ ރައީސް މަޖިލީހަށް ގިނަ އަންހެނުން ހޮވަން ހަގީގަތުގައިވެސް ބޭނުންފުޅުވެލައްވާނަމަ އެމީހުންގެ ކެމްޕޭނަށް ހަރަދު ކޮއްދެއްވާ! ހޮވުނީމަކާ ނޫން އެމީހުންނަށް އެހީތެރިކަން ބޭނުންވަނީ، ހޮވެން އެހީތެރިކަން ބޭނުންވަނީ. މިހާރު ތިވިދާޅުވި އެއްޗަކުން އިޚްލާސްތެރިކަމާމެދު ސުވާލު އުފެދޭ" ރޮޒައިނާ ވިދާޅުވިއެވެ.
ޑރ. މުޢިއްޒު ވިދާޅުވީ ކުރިއަށް އޮތް މަޖިލީހުގެ އިންތިޚާބުގައި ވީހާވެސް ގިނަ އަންހެން ބޭފުޅުން ބައިވެރިވެ ހޮވިގެން ދިޔުމަކީ އެމަނިކުފާނު ވަރަށް އެދޭކަމެއް ކަމަށެވެ.
އެގޮތުން، އެމަނިކުފާނު ނިސްބަތްވާ ޕީޕީއެމް/ޕީއެންސީން މަޖިލީހުގެ މަދުވެގެން 20 އިންސައްތަ ގޮޑިއަށް އަންހެން ބޭފުޅުން ހޮވުމަށް މަސައްކަތްކުރުމަސްވެސް އެމަނިކުފާނުވަނީ ގޮވާލައްވާފައެވެ.
އަންނަ އަހަރު ބާއްވަން ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބު ބާއްވާނެ ތާރީޚެއް ނޮވެންބަރު ގައި އިޢުލާނުކުރެވޭނެކަމަށް ބެލެވޭއިރު، އީސީގެ ނައިބު ރައީސް އިސްމާޢީލް ޙަބީބް ވިދާޅުވީ އެ އިންތިޚާބުގެ ގާނޫނުގައިވާ ގޮތުގެ މައްޗަށް ބަލާއިރު ރައްޔިތުންގެ މަޖިލީހުގެ އިންތިޚާބު 2024 ބޭއްވޭނީ މާޗް މަހުގެ ފަހުކޮޅު ނުވަތަ އޭޕްރީލްމަހުގެ ކުރީކޮޅު ކަމަށެވެ.
ޙައްޖުގެ މާތް އަޅުކަން އަދާކުރުމުގެ ހެޔޮ ނަސީބު ލިބިފައި ވުމުން ވެސް ﷲއަށް ބިރުވެތި ނުވާ މީހުން އުޅެނީތާދޯ. ތިމާ އަދާކުރި އަޅުކަމާއި އެއްގޮތަށް ހެދުން އެޅުމާއި ،ޢަމަލުތައްވެސް ބަހައްޓާ ދޮންކަނބުލޯ
އިޚްލާޞްތެރިކަމާއެކު ވިދާޅުވި ބަސްފުޅެއް، އެހެން ބޭފުޅަކަށް މޭރުންނުވުމަކީ ހިތާމަހުރިކަމެއް. ތިޔަގޮތަށް ޤައުމު ފަސާދަނުކުރެއްވުން ރައްޔިތުން އެދެނީ. އިންތިޚާބީ މަޤާމްތަކަކީ އެއްވެސް ފަރާތަކަށް ތަބަކަށްލާފައި ދޭންޖެހޭ އެއްޗެއް ނޫން. ހިތްވަރު ހުރިއްޔާ ކުރިމަތިލާނެ. ނަމޫނާ ކަނބަލަކަށް ޑރ.އަނާރާ ނިކަން ބެއްލެވުން ރަނގަޅުކަމުގައި ދެކެން. ބައެއް ޙާލަތުގައި ކަނބަލުންނަކީ އިސްބައެއްކަން ހަދުމަކޮށް، ކަނބަލުންނަށް ފުރައްސާރައަށްވެދާނެ އެއްވެސް ކަމެއް އެއްވެސް ފަރާތަކުން ނުކުރެއްވުން އެދެން.
އެމްޑީޕީ ފުނޑާލާފަ އަނެއްކާ ޕީޕީއެމް އާ ދިމާލަށް މިސްރާބު ޖެހީތޯ؟ އިންތިހާބުން ބަލިވީމަ މީހުންނަށް ގޮތްދައްކަން ތިމާއާ ބެހުމެއް ނުވާ ކަންކަމާ އަނގަ ކޮފާނެ ކަމެއްނެތް. ތީ މިހާރު އިބޫގެވެސް އިތުބާރު ގެއްލިފަވާ ހުސް އަނގަ ފިނދެއް. އަންހެނުންގެ ހައްގުގައޭ ކިޔައިގެން އަންހެނުންނަށް ހުރި ބަލާއެއް. ވެރިކަން ގެއްލުނީމަ ޒާތީ ވިޔަސް ބޮޑުވަރު. ހީ ހީ ހަލާކުވެދާނެ.
ރޮޒޭނާ. ކަލޭ ތީކާކު އަގަ ގަޅަނީތި. ތީމިމަޖުލީހުގަ ހުރި އެނމެ ހަޔާތްކުޑަ އެކަތި.