Tuesday, 17 November 2026
Advertisement
STO — McCoy (leaderboard)
ޚަބަރު

ފްލެޓް ލިސްޓަށް 7،400އަށްވުރެ ގިނަ ޝަކުވާ!

ފްލެޓް ލިސްޓަށް 7،400އަށްވުރެ ގިނަ ޝަކުވާ!

ގެދޮރުވެރިޔާ ސްކީމުގެ ދަށުން ފުރަތަމަ ބުރުގައި ދޫކުރާ ފްލެޓްތަކުގެ ދާއިމީ ލިސްޓަށް 7400 އަށްވުރެ ގިނަ ޝަކުވާ ހުށަހަޅައިފައިވާ ކަމަށް ޕުލޭނިން މިނިސްޓްރީން ވިދާޅުވެއްޖެއެވެ.

މި ސަރުކާރުގެ "ގެދޮރުވެރިޔާ" ސްކީމުގެ ދަށުން އިމާރާތް ކުރަމުންދާ ފްލެޓްތަކުގެ ތެރެއިން ފުރަތަމަ ބުރުގައި ދޫކުރަން ހަމަޖެހިފައިވަނީ 4،000 ފްލެޓެވެ. ޝަރުތު ހަމަވާ މީހުންގެ ތެރެއިން ފުރަތަމަ 4000 ފްލެޓް ދޫކުރާ މީހުންނަށް ޕޮއިންޓު އުސޫލުން ފްލެޓު ދިނުމުން، އެ މައްސަލަ ވަރަށް ބޮޑަށް ވަނީ ހޫނުވެފައެވެ. އެންމެ ފަހުން، އޭސީސީން މިކަން ހުއްޓުވުމުން، ޕްލޭނިން މިނިސްޓްރީން ވަނީ ދާއިމީ ލިސްޓަށް ޝަކުވާ ހުށަހެޅުމަށް ފުރުސަތު ހުޅުވާލާފައެވެ.

އެގޮތުން ފުލެޓް ލިސްޓަށް ޝަކުވާ ހުށައަޅަން ދިން ފަސް ދުވަހުގެ މުއްދަތު ރޭގެ ނިޔަލަށް ވަނީ ހަމަވީއިރު، މިނިސްޓްރީން މިއަދު ވިދާޅުވީ ފުލެޓް ލިސްޓަށް ޖުމްލަ 7،421 ޝަކުވާ ހުށަހަޅާފައިވާ ކަމަށެވެ. އޭސީސީން މީގެ ކުރިން ވަނީ ފުލެޓް ލިސްޓަށް ހުށައަޅާ ޝަކުވާތައް ބެލުމަށްފަހު ފުލެޓް ހަވާލުކުރަން ޕްލޭނިންގ މިނިސްޓްރީއަށް އަންގާފައެވެ.

Advertisement
Ooredoo — Square (box)

ޕްލޭނިން މިނިސްޓްރީން މީގެ ކުރިން ބުނެފައިވަނީ ފުރަތަމަ ބުރުގައި ދޫކުރާ 4000 ފްލެޓު ދީފައިވަނީ ތިން ކޮޓަރީގެ އެޕާޓްމަންޓަށް ޝަރުތު ހަމަވާ މީހުންގެ ތެރެއިން 76 އިން ފެށިގެން މަތިން މާކްސް ލިބުނު މީހުންނަށް ކަމަށެވެެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.