ވިހެއުމަށްފަހު އެއްލައިލި ކުއްޖާގެ ހަށިގަނޑުގެ ޕޯސްޓްމޯޓަމް ހަދަނީ

އދ. ދިގުރަށުގައި ވިހެއުމަށްފަހު ކޮތަޅަކަށް ލައި އެ ރަށުގެ ކުނިގޮނޑަށް އެއްލާލާފައި އޮތް ތުއްތު ކުއްޖާގެ ހަށިގަނޑު ޕޯސްޓްމޯޓަމް ހަދަން ފޮނުވައިލައިފިއެވެ.

Ads by Sosun Fihaara

މި މަހުގެ ތިން ވަނަ ދުވަހު ހެނދުނު ދިގުރަށު ކުނިގޮނޑުން އެ ކުއްޖާ ފެނުނު އިރުވެސް އޮތީ މަރުވެފައެވެ. އެ ކުއްޖާ ފެނުނީ އެ ރަށުގެ ކުނިގޮނޑުގައި މަސައްކަތް ކުރާ މުވައްޒަފަކަށެވެ.

އެ މައްސަލައާ ގުޅިގެން، އަވަށްޓެރި ލަންކާއަށް ނިސްބަތްވާ އެ ކުއްޖާގެ މަންމަ ވަނީ ހައްޔަރުކޮށް ޝަރީއަތް ނިމެންދެން ބަންދުކޮށްފައެވެ. އެއީ ސްރީ ލަންކާ އަންހެނެކެވެ. އޭނާ ހައްޔަރު ކުރީ ފުރަން އެއާޕޯޓަށް ގޮސް ހުއްޓައެވެ.