ފައިސަލް ވިދާޅުވީ ދެ މިލިއަން ފަތުރުވެރިން ގެނެވޭނެ ކަމުގެ އުއްމީދު ބޮޑުކަމަށް

އަންނަ އަހަރު ރާއްޖެއަށް ދެ މިލިއަން ފަތުރުވެރިން ގެނެވިދާނެ ކަމުގެ އުއްމީދު ބޮޑުކަމަށް ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެއެވެ.

Ads by Hajj Corporation

ޕީއެސްއެމްގެ ''ރާއްޖެ މިއަދު ޕްރޮގްރާމްގައި ވާހަކަ ދައްކަވަމުން މިނިސްޓަރު ފައިސަލް ވިދާޅުވީ، އަންނަ އަހަރަށް އެންމެ ފުރަތަމަ ކަމަކަށް އަމާޒު ހިފާފައި ވަނީ ރާއްޖެއަށް އަންނަ ފަތުރުވެރިންގެ އަދަދު  އިތުރުކުރުން ކަމަށެވެ.

އެގޮތުން އެމްއެމްޕީއާރްސީއާ ގުޅިގެން ފަތުރުވެރިން އިތުރުކުރުމުގެ މަސައްކަތައް ކުރިއަށްދާ ކަަމަށް ވިދާޅުވިއެވެ. ފައިސަލް ވިދާޅުވީ ''އެކްޒިސްޓިން'' މާކެޓްތައް އިތުރަށް ފުޅާކުރެވޭނެ ގޮތްތަކެއް ހޯދަމުންދާ ކަމަށދެވެ.

އެގޮތުން ބަލާއިރު ރަޝިޔަން މާކެޓަކީ ރާއްޖޭގެ އެންމެ ލީޑިން މާކެޓް. އރަޝިޔަން މާކެޓަށް ފޯކަސް ކޮށްގެން ގިނަ ކަންތައްތަކެއް ކުރާނަން. އިތުރަށް އެ މާކެޓުން ފަތުރުވެރިން ގެނެވޭނެ ގޮތްތަކެއް ހޯދާނަން

މިނިސްޓަރު ވިދާޅުވީ އިޒްރޭލު-ފަލަސްތީނު ހަނގުރާމައިގެ ސަބަބުން ދަތުރުކުރުމައި ގޮތެއް ނުނިންމާ މީހުން ގިނަ ކަމަށެވެ. އެހެންކަމުން މާކެޓިން ވަރަށް ވަރުގަދަކުރަން ޖެހޭ ކަމަށް ވިދާޅުވިއެވެ.

އެމްއެމްޕީއާރްސީގައި އެ ހުންނެވީ ވަރަށް ގާބިލު މެނޭޖިން ޑިރެކްޓަރެއް. މުޅި ޓީމާއެކީގައި އަޅުގަނޑުމެން އެންމެން ކުރެވޭ މަސައްކަތުގައި ދެ މިލިއަނަށްވުރެ އިތުރުވުމަކީ ވަރަށް ގާތްކަމެއް

ފައިސަލް ވިދާޅުވީ، ކޮވިޑް-19 ގެ ބަލިމަޑުކަމާއެކު ޗައިނާއިން ރާއްޖެއަށް އަންނަ ފަތުރުވެެރިންގެ އަދަދު ވަރަށް ބޮޑަށް ދަށްވެފައިވާ ކަަމަށާއި ކުރިއަށް އޮތް ތަނުގައި ބޮޑު ކާރިސާއަކާއި ކުރިމަތިނުވާހިނދަކު ޗައިނާއިންނާއި އަދި އެހެން ގައުމުންތަކުން އަންނަ ފަތުރުވެރިންގެ އަދަދު އިތުރުކުރެވިދާނެ ކަމަށެވެ.

ޓޫރިޒަމް މިނިސްޓްރީން އާއްމުކުރި ތަފާސް ހިސާބުތަކުން ދައްކާ ގޮތުން މި އަހަރުގެ މިހާތަނަށް އެންމެ ގިނައިން ފަތުރުވެރިން އިންޑިއާއިން އައިސްފައިވާއިރު އެ ގައުމުން އައިސްފައިވާ ފަތުރުވެރިންގެ އަދަދަކީ 205،278 އެވެ. އެއީ 11.2 އިންސައްތަ ފަތުރުވެރިންނެވެ.

މީގެ ކުރިން އެއްވަނަ މާކެޓުގެ ގޮތުގައި އޮތް ރަޝީޔާ ފަހަތަށް ޖައްސާލާފައިވާއިރު އެ ގައުމުން އައި  203،539 ފަތުރުވެރިންނާއެކު އައިސްފައިވާއިރު ޝެއާ  އުޅެނީ 11.1 ޕަސެންޓުގައެވެ.

ތިން ވަނައަށް އެންމެ ގިނައިން ފަތުރުވެރިން އައީ ޗައިނާއިންނެވެ. އެ ގައުމުން އައިސްފައިވަނީ 185،761 ފަތުރުވެރިންނެވެ. އެއީ 10.1 ޕަސެންޓެވެ. ހަތަރުވަނައަށް އެންމެ ގިނައިން ފަތުރުވެރިން އިނގިރޭސިވިލާތުން އައިސްފައިވާއިރު  ފަސް ވަނަ އަށް އެންމެ ގިނަ ފަތުރުވެރިން އައީ ޖަރުމަނުންނެވެ.