Tuesday, 17 November 2026
Advertisement
STO — McCoy (leaderboard)
ޚަބަރު

ރަންވީރަށް ވެސް އޮޅިގެން ޕްރޮމޯޓް ކުރެވުނީ ރާއްޖެ

ރަންވީރަށް ވެސް އޮޅިގެން ޕްރޮމޯޓް ކުރެވުނީ ރާއްޖެ

އިންޑިއާގެ ލަކްޝަދީޕުގެ ފަތުރުވެރިކަން ޕްރޮމޯޓް ކުރުމުގެ މަސައްކަތް އެ ޤައުމުގެ ސަރުކާރުން ފަށައިފައިވާއިރު، މިކަމަށް ބޮލީވުޑްގެ ތަރިން ވެސް ދަނީ އެއްބާރުލުން ދެމުންނެވެ.

އެކްޓަރު ރަންވީރް ސިންހް ވެސް ވަނީ، ލަކްޝަދީޕު ބަލަން ދިޔުން، މި އަހަރުގެ އަމާޒަކަށް ހެދުމަށް ގޮވައިލައި އެކްސްގައި ޕޯސްޓެއް ކޮށްފައެވެ. ނަމަވެސް ލަކްޝަދީޕް ޕްރޮމޯޓް ކުރުމުގެ ފޯރީގައި، ރަންވީރަށް ހިއްސާ ކުރެވުނީ އެ ރަށްތަކުގެ ފޮޓޯއެއްގެ ބަދަލުގައި ރާއްޖޭގެ ފޮޓޯއެކެވެ. މިކަން ރަންވީރުގެ ސަމާލުކަމަށް އައުމާއިއެކު، އޭނާ ވަނީ އަވަހަށް ޕޯސްޓު ޑިލީޓް ކޮށްލައި، އެއްވެސް ފޮޓޯއެއް ނުލައި އަލުން ޕޯސްޓު ކޮށްފައެވެ. އިންޑިއާގެ ބޮޑިވަޒީރު ނަރެންދްރަ މޯދީ، މިދިޔަ ބުރާސްފަތި ދުވަހު ލަކްޝަދީޕަށް ވަޑައިގެން އެތަނުގެ ޕްރޮމޯޝަނަލް ވީޑިއޯ އާއި ފޮޓޯތައް ހިއްސާ ކުރެއްވުމާއެކު، އިންޑިއާ އިން ރާއްޖެ ނޫން ގޮތެއް ހޯދަނީ ކަމަށް އެ ޤައުމުގެ މީޑިއާތަކުން ބުނަން ފެށިއެވެ. މިކަމަށް ރާއްޖޭގެ ތިން ޑެޕިއުޓީ މިނިސްޓަރުން ރައްދު ދިން މައްސަލަ ހޫނުވެފައިވާއިރު، މި ދަނޑިވަޅުގައި ރާއްޖެއިން ވެސް ދަނީ ރާއްޖޭގެ ފަތުރުވެރިކަން އިޝްތިހާރު ކުރަން އިތުރު ކަންކަން ފަށަން ތައްޔާރު ވަމުން ކަމަށް ޓޫރިޒަމް މިނިސްޓަރު ފައިޞަލް ދާދި ފަހުން ވަނީ ވިދާޅުވެފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.