Tuesday, 17 November 2026
Advertisement
STO — McCoy (leaderboard)
ޚަބަރު

ރައްޔިތުންނަށް ފައިދާވާ އެއްވެސް ކަމެއް އެމްޑީޕީން ނުކުރޭ, ކުރިހާވެސް ކަމަކީ ވައްކަން ކުރުން: ޝުޖާޢު

ރައްޔިތުންނަށް ފައިދާވާ އެއްވެސް ކަމެއް އެމްޑީޕީން ނުކުރޭ, ކުރިހާވެސް ކަމަކީ ވައްކަން ކުރުން: ޝުޖާޢު

ރައްޔިތުންނަށް ފައިދާވާ އެއްވެސް ކަމެއް އެމްޑީޕީން ނުކުރާ ކަމަށާއި ކުރިހާވެސް ކަމަކީ ވައްކަން ކުރުން ކަމަށް ޕީއެންސީގެ ނައިބް ރައީސް އިބްރާހީމް ޝުޖާޢު ވިދާޅުވެއްޖެއެވެ.

މިރޭ ބޭއްވި ކެމްޕެއިން ހަރަކާތެއްގައި ވާހަކަފުޅުދައްކަވަމުން ޝުޖާޢު ވިދާޅުވީ ފާއިތުވި އަަހަރުތަކުގައި އެމްޑީޕީން ކުރިހާވެސް ކަމަކީ ވައްކަން ކުރުން ކަމަށާއި ރައްޔިތުންނަށް ބޭނުންވާ އެއްވެސް އެހީތެރިކަމެއް ފޯރުކޮށްދީފައިނުވާ ކަމަށެވެ. ޝުޖާޢު ވަނީ އެމްޑީޕީން ކޮށްދީފައިވަނީ ކޮން ކަމެއްތޯ ސުވާލުކޮށްފައެވެެ.

"ސުވާލަކީ ކީންހޭ މި މީހުން ކުރީ. ޖަވާބަކީ ކުނިގޮނޑެއް ވެސް ހުސްކޮށެއް ނުލެވުނޭ. މާލޭގެ ރައްޔިތުންނަށް ދިމާވެފައިވާ އެއްވެސް ދަތި ކަމަކަށް ހައްލެއް އެމްޑީޕީއަކަށް ހޯދައެއް ނުދެނު. ކުރިހާވެސް ކަމަކީ ވައްކަން ކުރުން" ޝުޖާޢު ވިދާޅުވިއެވެ.

Advertisement
Allied Insurance — Square (box)

ޝުޖާޢު ވިދާޅުވީ އެމްޑީޕީން ވިސްނުވައިދިނީ އިޖްތިމާޢީ ފޭރާމަކީ އަގުހުރި އެއްޗެއް ނޫންކަން ކަމަށާއި ކައުންސިލް ޖަލްސާތައް ވެސް ބާއްވަމުން ދިޔައީ މަގުމަތީގައި ކަމަށެވެ. މާލެއަށް ދިމާވެފައިވާ ހުރިހާ މައްސަލައެއް އުފަން ކުރީ އެމްޑީޕީން ކުރަމުން ދިޔަ އެފަދަ އަމަލުތަކުން ކަމަށެވެ.

ރައީސް ޑރ. މުޙައްމަދު މުޢިއްޒުގެ މޭޔަރު ކަމުގެ ދުވަސްތަކުގައި ކޮށްދެއްވާފައިވާ ކަންތައްތަކަށް ވެސް ޝުޖާޢު ވަނީ އަލިއަޅުވާލާފައެވެ. އެގޮތުން މާލޭގެ މާރުކެޓް ސަރަހައްދުގައި މީގެ ކުރިން ގަވާއިދާ ހިލާފަށް ބިދޭސީން ވިޔަފާރި ކުރަމުން ދިޔަ ނަމަވެސް އެއްވެސް ބިދޭސީއަކަށް މާރުކޭޓް ސަރަހައްދުގައި އެއްވެސް ގޮޅިއެއްގައި ވަޒީފާ އަދާކުރެވޭ ގޮތަށް ނިންމާފައިވާ ކަމަށް ޝުޖާޢު ވިދާޅުވިއެވެ.

މީގެ އިތުރުން މާލެ ފެހި ކުރުމުގެ މަސައްކަތް "އެއް ލައްކަ ގަސް ޕްރޮގްރާމް" ރައީސް މުޢިއްޒުގެ މޭޔަރު ކަމުގައި ކުރެއްވި ކަމަށާއި މާލޭގެ މަގުތައް ސާފުކޮށް, ކުނި ނެގުމުގެ މަސައްކަތް ވެސް ކޮށްދީފައިވާ ކަމަށް ޝުޖާޢު ވިދާޅުވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.