އަމީނީ މަގު ބޭނުންކުރެވޭ ގޮތަށް އާއްމުންނަށް ހުޅުވައިލައިފި
އަމީނީމަގުގެ މަސައްކަތް އެއްކޮށް ނިންމާ، މަގު ބޭނުންކުރުމަށް އާއްމުންނަށް ހުޅުވާލައިފިއެވެ.
އެ މަގުގެ ފަހު ދެ ސެގްމަންޓު މިއަދު ހެނދުނު ހައެއް ޖެހުމުން ވަނީ ޓްރެފިކަށް ހުޅުވައިލައިފައެވެ.
އަމީނީމަގު ޒަމާނީ ފެންވަރަށް ތަރައްޤީ ކުރުމުގެ މަސައްކަތް ރޯޑް ޑޮވެލޮޕްމަންޓް ކޯޕަރޭޝަން(އާރްޑީސީ) އާއި ޙަވާލުކޮށްގެން ފަށާފައިވަނީ 2022 ވަނަ އަހަރުގެ ސެޕްޓެންބަރުމަހުގެ 12 ވަނަ ދުވަހުއެވެ.
މަގުގެ މަސައްކަތް މިދިޔަ ރިޔާސީ އިންތިޚާބަށް މެދުކަނޑާލިއިރު، ދެ ސެގްމެންޓެއްގެ މަސައްކަތް ނުނިމި އޮތެވެ.
އަމީނީ މަގުގެ ފަހު ދެ ސެގްމެންޓުގެ މަސައްކަތް އަލުން ފެށީ މިދިޔަ ޑިސެމްބަރު މަހުގެ ނުވަ ވަނަ ދުވަހުއެވެ.
ފަހު ދެ ސެގްމެންޓުގެ މަސައްކަތް ކޮށްފައިވަނީ ކުރީގެ ސެގުމެންޓުތަކަށްވުރެ މަގު ފުޅާކޮށް، ސްކޯޕަށް ބަދަލުތަކެއް ގެނެސްގެންނެވެ. އެގޮތުން އެ ދެ ސެގުމެންޓުގައި ހަތަރު ލޭން އޮވެއެވެ.
Ads by STO
