ސަރުކާރު މިފެންނަނީ ވަރަށް "ގަޅި"ކޮށް: ފައްޔާޒް

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަޒުލު ކުރުމުގެ ވާހަކައަކީ ބަޔަކު ވަކި މަޤްސަދެއް ހާސިލް ކުރުމަށް ދެއްކި ވާހަކައެއް ކަމަށް ޤަބޫލު ކުރައްވާ ކަމަށާއި އެ ވާހަކަތަކުގައި ސަރުކާރުން ޖެހުުނު ކަމަށް އިދިކޮޅު އެމްޑީޕީގެ ޗެއަރ ޕާސަން ފައްޔާޒް އިސްމާއީލް ވިދާޅުވެއްޖެއެވެ.
ފައްޔާޒް މިހެން ވިދާޅުވީ, އެމްޑީޕީން ޑިމޮކްރެޓްސްއާއެކު މަޖިލިސްގައި މަސައްކަތް ކުރާނެކަން އިއުލާން ކުރަން މިއަދު ބޭއްވި ނޫސްވެރިންގެ ބައްދަލުވުމުގައެވެ.
ފައްޔާޒް ވިދާޅުވީ, ރައީސް އަޒުލު ކުރަން އުޅޭ ކަމަށް ބުނެ ފެތުރި ވާހަކަތަކަކީ ބަޔަކު ވަކި މަޤްސަދެއް ހާސިލް ކުރަން ކުރި ކަމެއް ކަމަށެވެ. އަދި އެ މަޤްސަދު ހާސިލްވެފައިވާ ކަަމަށް ވެސް ބުނެފައިވެއެވެ.
ފައްޔާޒް ފާހަގަ ކުރެއްވި ގޮތުގައި އެ ވާހަކަ ބަޔަކު ދެއްކީ މެންބަރުންތަކެއް ޕީއެންސީއަށް ގެންދަން ފުރުސަތު ހުޅުވުމުގެ ގޮތުން ކަމަށެވެ.
"އެމްޑީޕީއަކުން ރަސްމީ އެއްވެސް ހައިސިއްޔަތެއްގައި ރައީސް އަޒުލުކުރަން ވިސްނުމެއް ނުގެންގުޅޭ. ވަކި ނަތީޖާއެއް ހޯދުމަށް ވަކި ބޭފުޅުންތަކެއް އުފެއްދެވި ވާހަކައަކަށް ވުމަކީ އެކަށިގެންވާ ކަމެއް ކަންނޭގެ" ފައްޔާޒް ވިދާޅުވިއެވެ.
ފައްޔާޒް ވިދާޅުވީ ސަރުކާރުން ކޮންމެ ކަމެއް ވެސް ކުރައްވާތަން ފެންނަނީ ވަރަށް "ގަޅި"ކޮށް ކަމަށެވެ.
އެމްޑީޕީގެ މަޖިލިސް މެންބަރުން ޕާޓީން ވަކިވެގެން ދިޔަ ނުދީ ހިފަހައްޓާނީ ކިހިނެތްތޯ ނޫސްވެރިޔަކު ސުވާލު ކުރުމުން ފައްޔާޒް ވިދާޅުވީ މެންބަރުން ހިފަހައްޓާކަށް އެމްޑީޕީން ފައިސާ ނުދޭނެ ކަމަށެވެ. އަދި މެންބަރުން ހިފެހެއްޓުމަކީ ޕާޓީއަކާ ކުރަން ޖެހޭނެ ކަމެއް ކަމަށް ދެކެވަޑައިނުގަންނަވާ ކަަމަށް ވިދާޅުވިއެވެ.
އާއްމު މެންބަރުން ދީފައި އޮތީ ޓިކެޓް. ޕާޓީއަކުން އެ ބޭފުޅުން ހިފަހައްޓާކަށް ކުރަން ޖެހޭ ކަމެއް ނޯންނާނެ އާއްމު މެންބަރުން ހޮވިފައި އެތިބީ އެ ބޭފުޅުން" ފައްޔާޒް ވިދާޅުވިއެވެ.
އެމްޑީޕީގެ 13 މަޖިލިސް މެންބަރުން މިފަހުން ވަނީ ކޮންގްރެސް ޕާޓީއާ ގުޅިވަޑައިގެންފައެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.