Sunday, 15 November 2026
Advertisement
Ooredoo — Airfibre (leaderboard)
ޚަބަރު

ބްރިޖްގެ މެއިންޓަނަންސް ބެލެހެއްޓުމާއި، ދިވެހިން ޓްރެއިންކުރުމަށް އެއްބަސްވުމުގައި ސޮއިކޮށްފި

ބްރިޖްގެ މެއިންޓަނަންސް ބެލެހެއްޓުމާއި، ދިވެހިން ޓްރެއިންކުރުމަށް އެއްބަސްވުމުގައި ސޮއިކޮށްފި

ސިނަމާލެ ބްރިޖްގެ މެއިންޓެނަންސް މަސައްްކަތް އިތުރު ތިން އަހަރަށް ޗައިނާގެ ސީސީސީސީ ކުންފުންޏާ ހަވާލުކޮށްފިއެވެ.

މި މަސައްކަތް ކުރުމަށް ހަމަޖެހިފައި ވަނީ ޗައިނާގެ ހިލޭ އެހީގެ ދަށުންނެވެ. މި އެއްބަސްވުމުގައި ސޮއިކުރުމަށް މިއަދު ބޭއްވި ރަސްމިއްޔާތުގައި ކޮންސްޓްރަކްޝަން މިނިސްޓަރ ޑރ. އަބްދުﷲ މުއްތަލިބު ވިދާޅުވީ، މި އެއްބަސްވުމުގެ ދަށުން ބްރިޖް ބެލެހެއްޓުމާއި، ކެޕޭސިޓީ އިތުރު ކުރުމަށް ޗައިނާގެ އެހީ ލިބިގެން ދާނެ ކަމަށެވެ.

މި އެއްބަސްވުމަކީ ބްރިޖުގެ މެއިންޓަނެންސް ކުރުމަށް ބޭނުންވާ ވަސީލަތްތައް ތަރައްގީ ކުރުމަށާއި، ފަންނީ އެހީތެރިކަން ފޯރުކޮށްދިނުމަށް ދިވެހި ސަރުކާރާއި ޗައިނާ ސަރުކާރު ދެމެދު ގާއިމު ކުރާ އެއްބަސްވުމެކެވެ.

Advertisement
Ooredoo — Square (box)

"ބްރިޖަކީ ވަރަށް މުހިންމު ކްރިޓިކަލް އިންފްރާސްޓްރަކްޗާއަކަށް ވާތީ ޗައިނާ ސަރުކާރުން ވެސް ވަރަށް ބޮޑު އިސްކަމެއް ދެއްވާ، ދިވެހި ސަރުކާރަށް ހިލޭ އެހީގެ ދަށުން މި ބްރިޖު އިތުރު ތިން އަހަރަށް މެއިންޓަނަންސްކޮށްދިނުމަށާއި، ދިވެހި ރާއްޖެއަށް މިކަމަށް އެހީތެރިވެރިވެދިނުމަށް ކެޕޭސިޓީ ގާއިމްކޮށްދިނުމަށް" މިނިސްޓަރު މުއްތަލިބު ވިދާޅުވި އެވެ.

2018 ވަނަ އަހަރު މި ބުރިޖުގެ މަސައްކަތް ނިންމާލުމަށް ފަހު ބުރިޖު ހުޅުވާލުމަށް ފަހު މިހާތަނަށް މެއިންޓެނެންސް މަސައްކަތް ކުރަމުން އަންނަނީ ޗައިނާއިންނެވެ.

އޭރު ވެވުނު އެއްބަސް ވުމުގައި ޗައިނާއިން 2 އަހަރު ދުވަހަށް މި މަސައްކަތް ކޮށްދިނުމަށް އެއްބަސް ވެފައިވީކަމުގައި ވީނަމަވެސް މި އެއްބަސް ވުމުގެ މުއްދަތު އިތުރު ކުރަން މިހާރު ވަނީ ނިންމާފައިއެވެ.

އަދި ޗައިނާއިން ފުރަތަމަ ވެވުނު 2 އަހަރު ދުވަހުގެ ކޮންޓްރެކްޓު ހަމަވުމުން އެ މުއްދަތު އިތުރުކުރަން ހުށަހެޅިކަމުގައި ވީނަމަވެސް ނިމިދިޔަ ސަރުކާރުން  އެކަމާމެދު ވަކި ގޮތެއް ނިންމާފައި ނުވާއިއިރު ބްރިޖުގެ މެއިންޓެނެންސް މަސައްކަތް ކޮށްފައި ނުވާކަން ވެސް ވަޒީރު ފާހަގަ ކުރެއްވިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.