ދެ ނަމާދު ދޭތެރޭގައި ގުރުއާން ކިޔަވަން މާލޭ މޭޔަރު ބާރުއަޅައިފި
މަގްރިބް އާއި އިޝާ ނަމާދު ދޭތެރޭގައި ގުރުއާން ކިޔަވަން މާލޭގެ މޭޔަރު އާދަމް އާޒިމް ބާރު އަޅުއްވައިފިއެވެ.
ސިޓީ ކައުންސިލް ގެ ފަރާތުން ބޭއްވި މަދަހަ މުބާރާތުގައި ވާހަކަ ދައްކަވަމުން މޭޔަރު ވިދާޅުވީ ދިވެހިންނަކީ ޒަމާނުއްސުރެ ދެ ނަމާދު ދޭތެރޭގައި ގުރުއާން ކިޔާވާ ބައެއް ކަމަށެވެ.
ނަމަވެސް މިއަދު މުޖުތަމައުއިން އެ މަންޒަރުތައް ނުފެންނަ ކަމަށެވެ. އެހެންވެ މޭޔަރު ވަނީ ކަންބޮޑުވުން ފާޅުކޮށްފައެވެ.
އާޒިމް ވިދާޅުވީ ފެނިގެން ދަނީ ކުޅިވަރާއި މުނިފޫހިފިލުވުމަށް ބޮޑަށް އިސްކަން ދެވިގެންދާ މަންޒަރު ކަމަށެވެ. އަދި ދީނީ ކަންކަމާއި ދުރުހެލިވަމުންދާ މަންޒަރު ކަމަށެވެ.
"އެގަޑި ތަކަކީ ކުޅިވަރާއި މަޖަލުގައި ހޭދަ ކުރާ ވަގުތުގެ ގޮތުގައި ނުހަދާށޭ، އަޚުލާގު ރަނގަޅު ކުދިން ތަކެއް ހެދުމަކީ ވަރަށް މުހިއްމުކަމެއް"
އަދި އެއީ ބަދަލުކުރަން ޖެހޭ ކަމެއްކަމަށާއި ދިވެހި ސަގާފަތް ދެމެހެއްޓުމަށްވެސް މުހިއްމު ކަމެއް ކަމަށް އާޒިމް ވިދާޅުވިއެވެ.
މަރުހަބާ އާޒިމް ތިޔަ ގޮތުގައި ވެރިން މަސައްކައް ކޮއް ދެއްވައިފިނަމަ ރަނގަޅުމުޖުތަމައެއް ބިނާކުރެވޭނެ އިންޝާ އައްލާހު
އަމިއްލަ ޕާޓީގެ އާރާއި ބާރު އޮތް އިރު އެކަން ނުކުރެއްވީ ކީއްވެތޯ.