Tuesday, 17 November 2026
Advertisement
MWSC — SmartMeter (leaderboard)
ޚަބަރު

ލ. އަތޮޅަށް ތަރައްގީ ނުގެނެވި, ފަހަތަށް ގޮސްފައި އޮތް އޮތުން ނިމުމަކަށް ގެނެސްދޭނަން: ރައީސް

ލ. އަތޮޅަށް ތަރައްގީ ނުގެނެވި, ފަހަތަށް ގޮސްފައި އޮތް އޮތުން ނިމުމަކަށް ގެނެސްދޭނަން: ރައީސް

ވޭތުވެދިޔަ މާޒީގައި މުޅި ލ. އަތޮޅަށް އަޅާނުލެވި, ފަހަތަށް ގޮސްފައި އޮތް އޮތުން ނިމުމަކަށް ގެނެސްދެއްވައި އެ އަތޮޅުގެ ރައްޔިތުން އުންމީދު ކުރާ ތަރައްގީ ގެނެސްދެއްވާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.

ލ. އަތޮޅަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި ގަމުގައި މިއަދު ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ, ފާއިތުވީ އަހަރުތަކުގައި ރާއްޖޭގެ އެންމެ ބިން ބޮޑު ގަމުގެ ތަރައްގީއާ ގުޅޭ ގޮތުން ދެކެވިފައި ހުރީ ހަމައެކަނި ވާހަކަތައް ކަމަށެވެ.

ރައީސް ފާހަގަކުރެއްވި ގޮތުގައި ތަރައްގީގައި ކުރިއެރުން އޮތް, ބިން ފަހިވެފައި އޮތް ގަމަށް މި ހުރިހާ ދުވަހު އޮތީ ވަރަށް ބޮޑަށް އިހުމާލުވެފައެވެ.

Advertisement
HDC — Sidebar (box)

އޭގެ ބަދަލުގައި ގަމުގެ ތަރައްގީގެ މަސައްކަތުގައި މި ސަރުކާރުން އަމަލީ ސިފަ ޖައްސައި, ނަތީޖާ ނެރެދެއްވާނެ ކަމަށް ރައީސް ވިދާޅުވިއެވެ. ރައީސް ވިދާޅުވީ, ތަރައްގީގެ ރޭހުގައި ހުރިހާ ދާއިރާކުން ވެސް ގެނެސް ދޭން ޖެހޭ ތަރައްގީ ގެނެސްދެއްވާނެ ކަމަށެވެ.

"މުޅި ރާއްޖޭގެ ތަރައްގީއަށް ބަލާއިރުގައި ދެމެހެއްޓެނިވި ތަރައްގީގައި މި އަތޮޅަކީ ތަރައްގީގެ ވަރަށް މުހިންމު އަތޮޅަކަށް ހަދައިދޭން. ދިގު މާޒީގައި ނިސްބަތުން ގިނަ ކަންކަން މި ރަށުގައި ނުކޮށްދެއްވި އޮތުމުގެ ސަބަބުން ފަހަތަށް ގޮސްފައި އޮތް އޮތުން ނިމުމަކަށް ގެނެސް މުޅި އަތޮޅުގެ ތަރައްގީކުރާނަން," ރައީސް ވިދާޅުވި އެވެ.

އެންމެ މުހިންމު ކަމަކަށް ރައީސް ފާހަގަކުރެއްވީ ގަމުގެ ބޯހިޔާވަހިކަމުގެ މައްސަލައެވެ. މިހާރު ރަށުގައި ހަދަމުން އަންނަ 100 ހައުސިން ޔުނިޓަކީ އެކަށީގެންވާ އަދަދެއް ނޫން ކަން ފާހަގަކުރައްވައި ރައީސް ވިދާޅުވީ ބޯހިޔާވަހިކަމުގެ އެންމެ ގިނަ މަޝްރޫއުތައް ހިންގާ އެއް ރަށަށް ގަން ހަދައިދޭނެ ކަމަށެވެ.

މީގެ އިތުރުން ރާއްޖޭގެ އެންމެ މަތީ ފެންވަރުގައި ހިމެނޭ ޓާޝަރީ ލެވެލަށް މި ރަށު ހޮސްޕިޓަލު ތަރައްގީކުރުމުގެ މަސައްކަތް ރަސްމީ ފެންވަރުގައި މިހާރު މަސައްކަތް ފަށާފައިވާ ކަން ވެސް ރައީސް ފާހަގަކުރެެއްވިއެވެ.

އަދި, ރައީސްގެ ވައުދުފުޅާ އެއްގޮތަށް ގަމުގައި އިންޓަނޭޝަނަލް ފެންވަރުގެ މެންޓަލް ހޮސްޕިޓަލެއް ގާއިމްކޮށް, ސިއްހީ ދާއިރާގެ މުހިންމު ނާރެހަކަށް މި ރަށް ހަދައިދެއްވާނެ ކަމަށް ރައީސް ވިދާޅުވިއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.