ކުޑަ ދެކުއްޖަކު ބައްޕައާ ދުރަށް ގެންދަން ފުލުހުން ދިއުމުން، ނަރުދޫ ހޫނުވެއްޖެ
ށ. ނަރުދޫގައި ބައްޕައާއެކު ދިރިއުޅެމުންދިޔަ ކުޑަ ދެކުދިން މަންމަ ކައިރިއަށް ގެންދިއުމަށް ފުލުހުން ބާރުގެ ބޭނުންކުރަމުންދާ ވީޑިއޯއެއް މީސް މީޑިއާގައި އާންމުވެއްޖެއެވެ.
އެ ވީޑިއޯއިން ފެންނަ ގޮތުގައި، އެ ދެކުދިން ފުލުހުން ގެންދިޔައީ ފުލުހުންގެ ޓީމު އެކުދިންގެ ވަށައިގެން ތިބެއެވެ. އަދި ފުލުހުންގެ ފަހަތުން ރަށުގެ ގިނަ ބަަޔަކު ނުކުމެ، އެކުދިން ގެންދިއުމަށް ހުރަސްއަޅަމުންދާ މަންޒަރު ފެނެއެވެ.
މި ވީޑިއޯ ސޯޝަލް މީޑިއާގައި ދައުރުވަމުންދާއިރު، ފުލުހުން މިއަދު ބުނީ ހއ. ހދ. އަދި ށ ޑިވިޝަންގައި ހިމެނޭ ރަށެއްގައި ބައްޕަ ކައިރީގައި ތިބި 18 އަހަރުން ދަށުގެ ދެ ކުދިން މަންމައާއި ހަވާލުކުރުމަށް ހުޅުމާލެ މެޖިސްޓްރޭޓް ކޯޓުން ކޮށްފައިވާ އަމުރެއް ތަންފީޒު ކުރުމަށް ފުލުހުންގެ މައްޗަށް ކޮށްފައިވާ އަމުރަކާއި ގުޅިގެން، އެކުދިން ދިރިއުޅޭ ގެއަށް ކުދިންގެ މަންމައާއެކު ފުލުހުން ގޮސް، މަންމައާއި ކުދިން ހަވާލު ކޮށްފައިވާ ކަމަށެވެ.
މިކަން ހިނގާދިޔަ ގޮތުގެ މައުލޫމާތު އެނގޭ މީހަކު "ދެން" އަށް މައުލޫމާތު ދެމުން ބުނީ، އެއީ ދެ އަންހެން ކުދިން ކަމަށެވެ. އަދި އެއް ކުއްޖަކީ 7 އަހަރު ފުރިފައި ހުރި ކުއްޖެއް ކަމަށާއި، އަނެއް ކުއްޖާއަކީ 7 އަހަރުން ދަށުގެ ކުއްޖެއް ކަމަށް އޭނާ ބުންޏެވެ.
އޭނާ ބުނި ގޮތުގައި، ފުލުހުންނާއެކު އެކުދިންގެ މަންމައާއި، މަންމަ ފަރާތުގެ އާއިލާ އެންމެ ފުރަތަމަ އެރަށަށް ދިޔައީ އިއްޔެ ހެނދުނުގެ ވަގުތެއްގައެވެ. އަދި އެކުދިންގެ މަންމަ ކުދިންނާއި ބައްދަލުކުރަން އެދުމުން، އެކުދިންގެ ބައްޕައާއެެކު ކުދިން މަންމަ ކައިރިއަށް ދިޔަ ކަމަށާއި، މަންމައާއެކު ދިރިއުޅެން ކ. ދިއްފުއްޓަށް ދިއުމަށް ދެކުދިން ވެސް އިންކާރު ކޮށްފައިވާ ކަމަށެވެ.
"އެކުދިން ނުދާނަމޭ ކިޔާފަ ރޯން ފެށީމަ ކުދިންގެ ބައްޕަ އެކުދިން ގޮވައިގެން ގެއަށް ދިޔައީ. މިހާރު ހަ މަސް ވަރު ވެދާނެ އެކުދިން ބައްޕަ ކައިރި ދިރިއުޅޭތާ. އެކުދިންގެ މަންމަ އުޅެނީ ދިއްފުށީގައި. އެކުދިން ބުނޭ އުޅެން ބޭނުންވަނީ ބައްޕަ ކައިރިޔޭ. ރަށު މީހުން ވެސް ނުކުމެ ބުނީ ގެންދަންޏާ އެކުދިން ގެންދާށޭ އެކުދިންގެ ރުހުމުގައި. ރޮއްވައިގެން ގަދަ ކަމުން ނުގެންދާށޭ،" އޭނާ ބުންޏެވެ.
މައުލޫމާތު ހިއްސާކުރި މީހާ ބުނިގޮތުގައި، އިއްޔެ ކުދިން ނުގެންދެވުމުން ފުލުހުންނާއެކު ޖެންޑާ މީހުންވެސް މިއަދު އެރަށަށް ދިޔައެވެ. އަދި ރަށަށް ގޮސް، އެކުދިން ދިރިއުޅޭ ގެއަށް ވަދެ، އެކުދިން ގެންގޮސްފައިވަނީ ކުދިންގެ ނުރުހުމުގައި ކަމަށް ވެސް އޭނާ ބުންޏެވެ.
ތިޔަ ކުދިންގެ މަންމަ އަކީ ދަރިން ބަލާ ދަރިންނަށް ލޯބި ދެވޭވަރުގެ މީހެއް ނޫންކަން ގިނަ ބަޔަކު ދަންނާނެ.
ކުޑަކުދިން ނޭ މި ކިޔަނީ. އެ ކުދިނ ގެ މަންމަ އަށް ކުދިނ ބެލޭނެ.
އެރަށު މީހަކު ކިޔާތީ އަޑުއެހިން ކުދިން ވަރަށް ގިނައިން ކިޔާ އުޅެޔޭ ބޭނުންވަނީ މަންމަ ކައިރިއަށް ދާށޭ
އިމިގްރޭޝަނުން ލަންކާ މީހާއަށް ހެދި ގޮތްވެސް މަށަށް ކަމަކު ނުދޭ. އެއީވެސް ބައްޕައެއް. ދަރިންނަށް ބައްޕައާ ބައްދަލުކުރުމުގެ ހައްގު އޮންނަން ޖެހޭނެ. އެއީ ބިދޭސީއެއް ވީމާ ކޮމެންޓްކުރި ގިނަ ދިވެހިން އޭނައާ ދެކޮޅަށް ކޮމެންޓްކޮށްފަ ހުރީ ސޯޝަލް މީޑިއާގަ. އެކަމަކު ނަރުދޫ މީހުންނަށް މިހާރު އިހްސާސްވާނެ. އަހަރެން މިބުނާ ޕޮއިންޓް.
ބައްޕަ ދަރިން އަތުލައިގެން ބޮަލަށް ޗިޕު ޖަހާފާ