މިނިސްޓަރު އާދަމް ޝަރީފް ބ. އަތޮޅަށް

ބ. އަތޮޅުގެ ބައެއް ރަށްތަކަށް ރަސްމީ ދަތުރެއްގައި ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތް ވަޒީރު އާދަމް ޝަރީފު އުމަރު ފައްޓައިފި އެވެ.

ކައުންސިލް މިނިސްޓްރީން ބުނީ، ވަޒީރު މިއަދު މެންދުރު ފަހު ފެއްޓެވި މި ދަތުރުގައި ވަޑައިގަތުމަށް ހަމަޖެހިފައި ވަނީ ތުޅާދު، ހިތާދޫ، ފުޅަދޫ، ގޮއިދޫ، ކިހާދޫ، ފެހެންދޫ، އޭދަފުށި، މާޅޮސް, ކުޑަރިކިލި ، ދޮންފަނު، އަދި ދަރަވަންދޫ އަށް ކަމަށެވެ.

މި ދަތުރުގައި މިއަދު ވަނީ ތުޅާދޫ، ހިތާދޫ އަދި ފުޅަދޫއަށް ވަޑައިގަންނަވައި އެ 3 ރަށުގެ ކައުންސިލާއި، އަންހެނުންގެ ތަރައްގީއަށް މަސައްކަތްކުރާ ކޮމެޓީއާ ބައްދަލުކުރައްވާ އެ ފަރާތްތަކުގެ ކަންބޮޑުވުންތައް އަޑު އަހާފަ އެވެ.

މި ދަތުރުގައި ބ. އަތޮޅުގެ ކަންތައް ބެލެހައްޓުމާ ހަވާލުވެ ހުންނަ ސްޓޭޓް މިނިސްޓަރު މުހައްމަދު ހާޝިމާއި ވުޒާރާގެ ބައެއް ވެރިން ބައިވެރިވެ ވަޑައިގަންނަވާ ކަމަށް އެ ވުޒާރާއިން މައުލޫމާތުދެއެވެ.