Sunday, 15 November 2026
Advertisement
STO — McCoy (leaderboard)
ބޮލީވުޑް

ސޮނާކްޝީގެ ކައިވެންޏަށް އާއިލާއިން ގަބޫލެއް ނޫން، އެކަމަކު މިމަހު ކައިވެނި ކުރަނީ

ސޮނާކްޝީގެ ކައިވެންޏަށް އާއިލާއިން ގަބޫލެއް ނޫން، އެކަމަކު މިމަހު ކައިވެނި ކުރަނީ

ބޮލީވުޑް ބަތަލާ ސޮނާކްޝީ ސިންހަ އޭނާގެ އަލަތު ކައިވެންޏަށް ތައްޔާރުވެއްޖެ އެވެ.

ސޮނާކްޝީގެ ކައިވެނީގެ ވާހަކަތައް ރަސްމީ ސިފައެއްގައި އޭނާ ކަށަވަރެއް ނުކޮށްދެ އެވެ. އެހެންނަމަވެސް މީޑިއާ ރިޕޯޓުތައް ބުނާ ގޮތުން މިމަސް ތެރޭގައި އޭނާ ކައިވެނި ކޮށްފާނެ އެވެ.

ސޮނާކްޝީ ކައިވެނި ކުރަނީ ބޮލީވުޑް އެކްޓަރު ޒަހީރް އިގްބާލް އާއެވެ. ސޯޝަލް މީޑިއާގައި ލީކުވެފައިވާ އޯޑިއޯއެއްގައި ސޮނާކްޝީ އޭނާގެ ރަހުމަތްތެރިންނަށް ކައިވެނީގެ ހަފްލާއަށް ދައުވަތު ދެ އެވެ. މި އޯޑިއޯގައި ސޮނާކްޝީއާއި ޒަހީރްގެ އަޑުވެސް އިވެ އެވެ.

Advertisement
Allied Insurance — Square (box)

ބައެއް ރިޕޯޓުތައް ބުނާ ގޮތުގައި ކައިވެންޏަށްޓަކައި ކޯޓުގައި ތާރީހުވެސް ވަނީ ރަޖިސްޓްރީ ކޮށްފަ އެވެ. ތާރީހަކީ މިމަހު 23 ވަނަ ދުވަހެވެ.

ނުސީދާކޮށް ސޮނާކްޝީ ވަނީ އޭނާގެ ކައިވެނީގެ ވާހަކަ ނެޓްފްލިކްސްގައި މިދިޔަ މަހު އާންމުކުރި "ދަ ކަޕިލް ޝަރުމާ" ޝޯގައިވެސް ދައްކައިފަ އެވެ. އޭނާ ބުނީ ކައިވެނި ކުރަން މިހާރު ތައްޔާރުވެފައިވަ ކަމަށާއި ކައިވެނީގެ ގޮތުން ގުޅެނީ ކާކާ ކަން ގިނަ ބަޔަކަށް އެނގޭނެ ކަމަށެވެ.

ސޮނާކްޝީ އާއި ޒަހީރް ލޯބީގެ ގޮތުން ގުޅިގެން އުޅޭތާ ދުވަސްތަކެއް ވެފައިވާކަމަށް އަޑު ފެތުރެ އެވެ. އަދި މިގުޅުމާއި އާއިލާއިން ހިތްހަމަ ނުޖެހޭ ކަމަށްވެސް ވެ އެވެ.

މީޑިއާ ރިޕޯޓުތައް ބުނާ ގޮތުގައި ސޮނާކްޝީގެ ބައްޕަ ޝަތުރުގަން ސިންހަ އާއި ބޭބެ ލަވް ސިންހަ މި ކައިވެންޏަށް ހާޒިރުވެސް ނުވެދާނެ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.