ފޯ ސީޒަންގެ އެޕްރަންޓިސްޝިޕް ޕްރޮގްރާމުން 49 ދަރިވަރުން ދަސްވެނިވެއްޖެ
ފޯ ސީޒަންސް ރިސޯޓްސްގެ އެޕްރެންޓަސްޝިޕް ޕްރޮގްރާމުން 49 ދަރިވަރުން ދަސްވެނިވެއްޖެއެވެ.
އެ ދަރިވަރުންނާއި ސެޓްފިކެޓް ހަވާލުކުރީ މޯލްޑިވްސް ނެޝަނަލް ޔުނިވާސިޓީ (އެމްއެންޔޫ) ގެ އޮޑިޓޯރިއަމްގައި އިއްޔެ ބޭއްވި ރަސްމިއްޔާތެއްގަ އެވެ. މި ރަސްމިއްޔާތު ޝަރަފުވެރިކޮށްދެއްވީ ހަޔާ އެޑިއުކޭޝަން މިނިސްޓްރީގެ ސްޓޭޓް މިނިސްޓަރު އަހުމަދު ޝަފީއު އެވެ.
މި ޕްރޮގްރާމްގެ ދަށުން ދަރިވަރުން ވަނީ ފުޑް އެންޑް ބެވަރޭޖް، ހައުސްކީޕިން އެންޑް ގެސްޓް ސަރވިސަސް، ރީޓެއިލް، ފްރޮންޓް އޮފީސް، މެރިޓައިމް ޓްރާންސްޕޯޓް، އިންޖިނިއަރިން، ޑައިވިން،، އަދި ވޯޓާ ސްޕޯޓްސްގެ ދާއިރާއިން ދަސްވެނިވެފަ އެވެ.
މި ޕްރޮގްރާމްގައި 34 ރަށަކުންނާއި 15 އަތޮޅުން 229 ދަރިވަރުން ބައިވެރިވެގަ އެވެ. އެއް އަހަރު ދުވަހަށް ކުރިއަށް ގެންދެވުނު މި ޕްރޮގްރާމް ފުރިހަމަކުރި 12 ދަރިވަރުން ފްރޮންޓް އޮފީސް އަދި އިންޖިނިއަރިންގެ ދާއިރާއިން ތަމްރީނު ހެދުމަށް ފޯ ސީޒަންސް އަށް ފުރާނެ އެވެ.
މި އެޕްރެންޓިސްޝިޕް ޕްރޮގްރާމް ކުރިއަށް ގެންގޮސްފައިވަނީ ފޯ ސީޒަން ކުޑަ ހުރައާއި ފޯ ސީޒަން ލަނޑާ ގިރާވަރުގައެވެ.
