Monday, 16 November 2026
Advertisement
MWSC — SmartMeter (leaderboard)
ޚަބަރު

މިފްކޯއަށް ސީއީއޯއަކު ހޯދަން އިއުލާނުކޮށްފި

މިފްކޯއަށް ސީއީއޯއަކު ހޯދަން އިއުލާނުކޮށްފި

ސަރުކާރުގެ މަސް ކުންފުނި, މިފްކޯއަށް އާ ސީއީއޯއަކު ހޯދަން އިއުލާނުކޮށްފިއެވެ.

ޕީސީބީއިން މިއަދު ކުރި އިއުލާނުގައި ބުނީ މަސްވެރިކަމުގެ ދާއިރާގެ ހުނަރުވެރި އަދި މަސައްކަތަށް ފަރުވާތެރި މީހަކު މިފްކޯއަށް ހޯދަން ބޭނުންވާ ކަމަށެވެ.

އެ މަގާމަށް މީހަކު ހޮވުމުގައި ގާބިލްކަމާއި ތަޖުރިބާއަށް ބަލާނެ ކަމަށާއި އަންނަ މަހުގެ 15 ވަނަ ދުވަހުގެ ނިޔަލަށް ކުރިމަތިލުމަށް ވަނީ ހުޅުވާލައިފައެވެ.

Advertisement
Ooredoo — Square (box)

ކުންފުންޏެއްގެ ސީއީއޯއަކަށް މީހަކު ހޯދަން ޕީސީބީއިން އިއުލާނުކޮށްފައި މިވަނީ ފުރަތަމަ ފަހަރަށެވެ. މީގެ ކުރިން މަގާމުތަކަށް އައްޔަން ކުރަނީ ސަރުކާރުން ފޮނުވާ ނަންތަކެވެ.

މިފްކޯގެ ސީއީއޯގެ މަގާމު ހުސްވީ އެ މަގާމުގައި ހުންނެވީ އަހްމަދު ޝަމާހު ޕީސީބީން މިދިޔަ މެއި މަހު 21 ވަނަ ދުވަހު ވަކިކުރުމާ ގުޅިގެންނެވެ.

ޕީސީބީއިން އެންމެ ފުރަތަމަ ސަމާހު ސަސްޕެންޑުކުރީ މާޗު 18، ގައެވެ. އެ މުއްދަތު ހަމަވާތީ ފަހުން ވަނީ  މުއްދަތު އިތުރުކޮށްފައެވެ. މުސާރަ އާއި އިނާޔަތްތައް ލިބޭ ގޮތަށް ޝަމާހު ސަސްޕެންޑުކުރީ 12 ކަމެއް ތުހުމަތުކޮށެވެ.

 

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.