Tuesday, 17 November 2026
Advertisement
STO — McCoy (leaderboard)
ޚަބަރު

އިރާންގެ އާ ރައީސަށް ރައީސް މުއިއްޒުގެ ތަހުނިޔާ، ގުޅުން ބަދަހިކުރައްވާނެ ކަމަށް ވިދާޅުވި

އިރާންގެ އާ ރައީސަށް ރައީސް މުއިއްޒުގެ ތަހުނިޔާ، ގުޅުން ބަދަހިކުރައްވާނެ ކަމަށް ވިދާޅުވި

އިރާންގެ އިންތިހާބީ ރައީސް މަސްއޫދު ޕެޒެޝްކިއަނަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަހުނިޔާ ފޮނުއްވައިފި އެވެ.

ރައީސް މުއިއްޒުގެ ރަސްމީ އެކްސް އެކައުންޓުން ކުރެއްވި ޕޯސްޓެއްގައި ވިދާޅުވީ ރާއްޖެއާއި އިރާނާ ދެމެދު އޮތް ގުޅުން އިތުރަށް ބަދަހި ކުރައްވެމަށް އުންމީދު ކުރައްވާ ކަމަށެވެ.

"މި ސަރަހައްދުގައި ސުލްހައާއި ފާގަތިކަން ގާއިމު ކުރެއްވުމަށް އިރާނުން ކުރައްވަމުން ގެންދަވާ މަސައްކަތްޕުޅުތަކަށް ކާމިޔާބީއަށް އެދެން،" ރައީސް ލިޔުއްވާފައިވެ އެވެ.

Advertisement
Ooredoo — Square (box)

އިރާންގެ ރިޔާސީ އިންތިހާބު ބޭއްވީ، އެ ގައުމުގެ ރައީސް ކަމުގައި ހުންނެވި އިބްރާހިމް ރައިސީ ދަތުރުކުރެއްވި ހެލިކޮޕްޓަރު ވެއްޓި ލިބުނު އަނިޔާތަކާ އެކީ އެމަނިކުފާނު އަވަހާރަވުމުންނެވެ.

އެ ގައުމުގެ ރިޔާސީ އިންތިހާބު މަސްއޫދު ކާމިޔާބު ކުރެއްވީ ދެވަނަ ބުރުންނެވެ. ދެވަނަ ބުރުގައި އޭނާއާ ވާދަކުރެއްވި ސައީދު ޖަލީލީއަށް ލިބިވަޑައިގަތީ 45 ޕަސެންޓެވެ. މަސްއޫދަށް 55 ޕަސެންޓެވެ.

ފުރަތަމަ ބުރުގެ ވޯޓުގައި ވެސް ކުރި ހޯއްދެވީ މަސްއޫދެވެ. އޭނާއަށް އެ ބުރުގައި 44 ޕަސެންޓު ލިބިވަޑައިގަތް އިރު ސައީދު ޖަލީލީއަށް ލިބިވަޑައިގަތީ 40 ޕަސެންޓެވެ. ދެވަނަ ބުރު ބޭއްވީ އިންތިހާބު ކާމިޔާބު ކުރުމަށް މަދުވެގެން 50 ޕަސެންޓު ހޯދަން ޖެހޭތީ އެވެ.

 

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.