ޑޮކްޓަރަށް ދެއްކުން އަވަސްކުރަން މަޝްވަރާކޮށްފި
ޑޮކްޓަރަކަށް ދެއްކުމުގައި ދިމާވާ ދަތިތައް ހައްލުކޮށް ހިދުމަތް އަވަސްކުރުމާ ގުޅޭގޮތުން ސޯޝަލް އެންޑް ފެމިލީ މިނިސްޓްރީއާއި އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެ އިސްވެރިން މަޝްވަރާކޮށްފި އެވެ.
ސަރުކާރު ހިންގާ "ސަރުކާރު" ވެބްސައިޓުގައި ފެމެލީ މިނިސްޓްރީން ބުނީ އެ މަޝްވަރާތައް ކުރިއަށް ގެންގޮސްފައިވަނީ، "ހާލު ކިހިނެއް؟" ޕްރޮގްރާމުގެ ތެރެއިން މިހާތަނަށް ގެތަކަށް ކުރި ޒިޔާރަތްތަކުން އެއްކުރެވުނު މައުލޫމާތުތަކުގެ މައްޗަށް ބިނާކޮށެވެ.
ސަރުކާރުން ބުނީ، އެ ޕްރޮގްރާމްގެ ތެރެއިން، ރައްޔިތުންގެ އެންމެ ބޮޑު ކަންބޮޑުވުމެއްގެ ގޮތުގައި ފާހަގަކުރެވުނީ ބޭސްފަރުވާގެ އެކި މައްސަލަތައް ކަމަށެވެ. އޭގެ ތެރޭގައި ޑޮކްޓަރަށް ދެއްކުމުގައި ދިމާވާ ދަތިތަކާއި، ސްޕެޝަލިސްޓު ޑޮކްޓަރުންނަށް އެޕޮއިންޓްމަންޓް ހޯދުމުގައި ހުރި ދަތިތަކާއި، ބޭސް ސިޓީ އާކުރުމުގައި ދިމާވާ ދަތިތައް ފާހަގަކޮށްފައި ވެއެވެ.
މިނިސްޓްރީއާއި ހޮސްޕިޓަލްގެ ވެެރިންގެ މެދުގައިި މަޝްވަރާކުރީ އެ މައްސަލަތަކަށް އަވަސް ހައްލެއް ހޯދިދާނެ ގޮތްތަކާ ގުޅިގެން ނެވެ. އެގޮތުން:
- ޑޮކްޓަރަށް ދެއްކުން އަވަސްކުރުމުގައި ދިމާވާ މައްސަލަތައް ޙައްލުކުރެވިދާނެ ގޮތްތަކާއި ގުޅޭ މަޝްވަރާތައް ކުރެވުނު
- އަދި މިފަދަ މައްސަލަތަކަށް ދެމެހެއްޓެނިވި ހައްލުތައް ގެނައުމަށް ޕޮލިސީ ލެވެލްގައި ކުރަން ހުރި މަސައްކަތްތަކާއި ގުޅޭގޮތުން ވެސް މަޝްވަރާކުރެވުނު
ބޭސްފަރުވާއާއި ގުޅުންހުރި މައްސަލަތަކަށް އަވަސް ހައްލުތައް ހޯދުމަށް މިނިސްޓްރީން ދަނީ ހުޅުމާލެ ހޮސްޕިޓަލް އަދި އެންސްޕާއާއި އެކު ވެސް މަޝްވަރާކުރަމުން ނެވެ.
Ads by STO
