Tuesday, 17 November 2026
Advertisement
HDC — Share-Below (leaderboard)
ޚަބަރު

ޑިމޮކްރެޓްސްގެ އަލައިކާއަށް ސްޓޭޓް މިނިސްޓަރުކަން ދެނީ

ޑިމޮކްރެޓްސްގެ އަލައިކާއަށް ސްޓޭޓް މިނިސްޓަރުކަން ދެނީ

ކުރީގެ ރައީސް މުހައްމަދު ނަޝީދު އިސްވެ ހުންނަ އުފެއްދެވި ދަ ޑިމޮކްރެޓްސް ޕާޓީގެ ނައިބު ރައީސް އާޝިޔަތު އަލައިކާ އަދުނާނުއަށް މި ސަރުކާރުން ސްޓޭޓް މިނިސްޓަރުގެ މަގާމު ހުށަހަޅައިފި އެވެ.

ސީދާ ކޮން މިނިސްޓްރީއެއް އެނގިފައި ނެތް ނަމަވެސް ސްޓޭޓް މިނިސްޓަރުކަމުގެ މަގާމު އަލައިކާ އަށް ހުށަހަޅާފައިވާކަން އެ ޕާޓީގެ އިސް އޮފިޝަލަކު "ދެން" އަށް ޔަގީންކޮށްދީފަވެ އެވެ.

ބެލެވޭ ގޮތުގައި މިއަދު ނޫނީ މާދަމާގެ ވަގުތެއްގައި ރައީސް ޑރ މުހައްމަދު މުއިއްޒު، އަލައިކާ ސްޓޭޓް މިނިސްޓަރަކަށް އައްޔަންކުރައްވާނެ އެވެ. މި ނޫހަށް އެނގިފައިވާ ގޮތުން އަލައިކާ އައްޔަންކުރަނީ ހަޔާ އެޑިއުކޭޝަން މިނިސްޓްރީގެ ސްޓޭޓް މިނިސްޓަރަކަށެވެ.

Advertisement
Ooredoo — Square (box)

ސްޓޭޓް މިނިސްޓަރަކަށް މަހު މުސާރާއަށް 47،000ރ ލިބިވަޑައިގަންނަވާނެ އެވެ.

އަލައިކާ ވަނީ މިދިޔަ ސަރުކާރުގެ ފަހުކޮޅާ ހަމަޔަށް ހޯމް މިނިސްޓްރީގެ ސީނިއާ ޕޮލިސީ ޑިރެކްޓަރުގެ މަގާމު އަދާކޮށްފަ އެވެ. އޭނާ އެ މަގާމުން ވަކިކުރީ އެމްޑީޕީން ވަކިވެ ޑިމޮކްރެޓްސް އަށް ސޮއިކުރުމުންނެވެ. އަލައިކާ ވަނީ ނިމިދިޔަ ރައްޔިތުންގެ މަޖިލީހުގެ އިންތިހާބުގައި މައްޗަން ގޮޅި މެދު ދާއިރާއަށް ވާދަވެސް ކޮށްފަ އެވެ.

އަލައިކާ، ސްޓޭޓް މިނިސްޓަރަކަށް އައްޔަންކުރަން ނިންމާފައިވާއިރު ޑިމޮކްރެޓްސްގެ ސިޔާސަތުތައް މި ސަރުކާރުގެ ހިންގުމުގެ ތެރެއަށް ވެއްދުމަށް، އެކަން ކުރެވޭނެ ގޮތަކާ ގުޅޭ ގޮތުން އެ ޕާޓީގެ އެތެރޭގައި މަޝްވަރާތަކެއް ކޮށްފައިވެ އެވެ.

ޑިމޮކްރެޓްސްގެ ލީޑާޝިޕްގެ ބައެއް ބޭފުޅުން އިއްޔެ ވަނީ ރައީސް މުއިއްޒާ ބައްދަލުކުރައްވާފަ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.