ޒިފްލީނާއަށްކޮރަޕްޝަންގެ ދައުވާ ކުރަން މަޝްވަރާއަށް ފޮނުވަނީ
ޖެންޑާ މިނިސްޓްރީގެ ކުރީގެ ސްޓޭޓް މިނިސްޓަރު ޒިފްލީނާ ހަސަން 3.5 މިލިއަން ރުފިޔާއަށް ފުލެޓެއް ބައްލަވައިގެން މައްސަލާގައި އޭނާގެ މައްޗަށް ކޮރަޕްޝަނުގެ ދައުވާ ކުރުމާ މެދު މަޝްވަރާއަށް ޕްރޮސެކިއުޓަ ޖެނެރެލް އޮފީހަށް ފޮނުވަން ނިންމައިފި އެވެ.
އެންޓި ކޮރަޕްޝަން ކޮމިޝަން (އޭސީސީ) އިން "ދެން އޮންލައިން" އަށް ބުނީ އެ މައްސަލާގައި ޒިފްލީނާ ނުހައްގު މުއްސަނދިކަން ހޯދި ކަމަށް ބެލެވޭތީ ޑިއުޓީ ޕްރޮސެކިއުޝަނަށް ޕްރޮސެކިއުޓަ ޖެނެރަލް (ޕީޖީ) އަށް އަންނަ ހަފްތާގައި ފޮނުވާނެ ކަމަށެވެ.
ޒިފްލީނާ ވަނީ ހުޅުމާލެ އިން އެފްޑަބްލިއު ރެސިޑެންސްގެ 1،200 އަކަފޫޓްގެ ފްލެޓެއް ބައްލަވައިގެންފައެވެ. އެ ފްލެޓް ބައްލަވައިގަތީ 3.5 މިލިއަން ރުފިޔާ އަށެވެ.
ޒިފްލީނާ ވިދާޅުވެފައިވަނީ އޭނާ އެޕާޓްމަންޓެއް ގަނެފައި ވާނީ ސްޓޭޓް މިނިސްޓަރުގެ މަގާމް ލިބިވަޑައިގަތުމުގެ ކުރިން ކަމަށެވެ. އަދި އަދި މަގާމާ ހަވާލުވެ، ސްޓޭޓް މިނިސްޓަރުން ހާމަކުރަން ޖެހޭ އެސެޓް ޑިކްލަރޭޝަން ފޯމުގައި ވެސް އެޕާޓްމަންޓްގެ މައުލޫމާތު ހިމަނާފައިވާނެ ކަމަށް ވިދާޅުވިއެވެ.
Ads by STO
