ދިޕިކާއާ ރަންވީރަށް ލިބެނީ ޓުވިންސްތަ؟
ބޮލީވުޑް ބަތަލާ ދިޕިކާ ޕަދުކޯން އާއި އެކްޓަރު ރަންވީރު ސިންގް އެމީހުންގެ އަލަތު ދަރިފުޅަށް ބަލިވެ އިންއިރު މިހިނގާ ސެޕްޓެމްބަރު މަހުގެ ތެރޭގައި ވިހާނެކަމަށް ބެލެވެ އެވެ. ދެމީހުންނާއިއެކު ބޮލީވުޑްގެ ހުރިހާ ސަޕޯޓަރުންވެސް ދަނީ މި ދުވަހަށް އިންތިޒާރު ކުރަމުންނެވެ.
ވިހެއުމުގެ ކުރިން ދިޕިކާ އިއްޔެ ވަނީ ސޯޝަލް މީޑިއާއަށް ފޮޓޯތަކެއް ދޫކޮށްފައިފަ އެވެ. ކަޅާ ހުދުގެ މި ފޮޓޯތަކުގައި ދިޕިކާގެ ބަނޑު ވަނީ ދައްކާލައިފަ އެވެ. ބައެއް ފޮޓޯތަކުގައި ދިޕިކާގެ ގައިގައި ބައްދާލައިގެން ރަންވީރު ހުންނަ މަންޒަރުވެސް ފެނެ އެވެ.
މިފޮޓޯތަކާއިއެކު އިންޑިއާގެ މީޑިއާގެ ސަމާލުކަމަށް އައީ މުޅިން އެހެން ކަމެކެވެ. ދިޕިކާގެ ބަނޑު އިން ގޮތުން ގިނަ ބަޔަކު ބުނަނީ އޭނާއަށް ލިބެނީ ޓުވިންސެއް ކަމަށެވެ. މިކަމާ ގުޅޭގޮތުން ދެތަރިން އެއްވެސް ބަހެއް ނުބުނެ އެވެ. އަދި ދަރިފުޅުގެ ޖިންސުވެސް ހާމައެއް ނުކުރެ އެވެ.
އުމުރުން 38 އަހަރުގައި ދިޕިކާ ބަލިވެ އިންއިރު ރަންވީރުގެ އުމުރަކީ 39 އެކެވެ. ދެތަރިން ކައިވެނި ކުރީ 2018 ވަނަ އަހަރެވެ.
މިހާރު ބޮލީވުޑްގައި ހުރި އެންމެ އަގުބޮޑު ބަތަލާ އެންމެ ފަހުން ފެނުނީ "ކަލްކީ 2898 އޭޑީ" އިންނެވެ. އެފިލްމު ވަނީ ބޮކްސް އޮފީހުގައި ބޮޑު ކާމިޔާބީއެއް ހޯދައިފަ އެވެ. ދެން އޭނާ އެންމެ އަވަހަށް ފެންނާނީ މިހާރު ޝޫޓިންތައް ނިމިފައިވާ ރޯހިތު ޝެއްޓީގެ "ސިންގަމް އެގެއިން" އިންނެވެ.
އަނެއްކޮޅުން ރަންވީރު ސިންގް އެންމެ އަވަހަށް ފެންނާނެކ ކަމަށް ބެލެވެނީވެސް "ސިންގަމް އެގެއިން" އިންނެވެ. މީގެ އިތރުުން ސަންޖޭ ދަތު، އާރު މާދަވަން އާއެކު އިތުރު ފިލްމަކުންވެސް ރަންވީރު ވަރަށް އަވަހަށް ފެންނާނެ އެވެ. އެފިލްމުގެ ނަން އަދި ހާމައެއް ނުކުރެ އެވެ.
Ads by STO
