ގަވައިދާ ހިލާފަށް ގެއެއްގައި އޭސީ މަރާމާތުކުރާ ވޯކްޝޮޕެއް ހިންގަނިކޮށް ހުއްޓުވައިފި

ގަވައިދާ ހިލާފަށް ގެއެއްގައި އޭސީ މަރާމާތުކުރާ ވޯކްޝޮޕެއް ހިންގަނިކޮށް ހުއްޓުވައިފި އެވެ.
މާލޭ ސިޓީ ކައުންސިލްއިން ބުނީ އެ ތަން އޮޕަރޭޓް ކުރަމުން ދިޔައީ މާފަންނުގައި ކަމަށެވެ.
މާލޭ ސިޓީ ކައުންސިލްގެ މީޑިއާ އޮފިޝަލު "ދެން"އަށް ވިދާޅުވީ އެ ވޯކް ޝޮޕް ހިންގަމުން ދިޔައީ މީހުން ދިރިއުޅެމުން ދިޔަ ގެއެއްގެ އެއް ކޮޓަރީގައި ކަމަށެވެ.
އަދި އެކަން މާލޭ ސިޓީ ކައުންސިލްގެ ސަމާލުކަމަށް އައީ ވިއްސާރައިގައި މި ފަހުން ގެއްލުން ލިބުނު ތަންތަން ބަލަން ދިއުމުގެ ތެރޭގައި ކަމަށެވެ.
އެހެންވެ އެ ވޯކްޝޮޕް ހިންގާ އެނގުމާއެކު ޖޫރިމަނާކޮށް އެ ތަން ހިންގުން ހުއްޓުވާފައިވާ ކަމަށް މީޑިއާ އޮފިޝަލު ވިދާޅުވި އެވެ.
އެ ތަނުގައި މަސައްކަތް ކުރަން ތިބީ ބިދޭސީން ކަމަށާއި އަދި އެއީ ގަވައިދާ އެއްގޮތަށް އުޅޭ ބައެއްތޯ ބަލަން އިމިގްރޭޝަނަށް ވެސް މައްސަލަ ރިޕޯޓްކޮށްފައިވާ ކަަމަށްވެސް އޭނާ ވިދާޅުވިއ ެވެ.
މާލޭގައި ބިދޭސީން ގަވައިދާ ހިލާފަށް ވިޔަފާރިތައް ހިންގާ މަައްސަލަ ބޮޑެވެ. އެކަން ހުއްޓުވަން އިމިގްރޭޝަނާއި ފުލުހުން މިހާރު ގަވައިދުން ދަނީ ރެއިޑްވެސް ޖައްސަމުން ނެވެ.



ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.