ބިދޭސީއެއްގެ ފޯނު ފޭރުނު މީހަކު ހައްޔަރުކޮށްފި

ބިދޭސީއެއްގެ ފޯނެއް ފޭރުނު މީހަކު ހައްޔަރުކޮށްފި އެވެ.

ފުލުހުން ބުނީ ރޭ 12 ޖަހަން އުޅެނިކޮށް ޗާންދަނީ މަގުން ބިދޭސީއެއްގެ ފޯނު ފޭރުނު މީހަކު ހިފަހައްޓާފައި ހުރި ކަމުގެ މައުލޫމާތު ލިބިގެން ސީންއަށް ދިޔަ ކަމަށެވެ.

އަދި އާންމުންގެ އެހީތެރިކަމާއެކު އެ މީހާ ހައްޔަރުކޮށް ވެރި ފަރާތަށް ފޯނު ހަވާލުކުރި ކަމަށް ވެސް ފުލުހުން ބުނެއެވެ.

އެ މައްސަލައާ ގުޅިގެން ހައްުޔަރުކުރީ ލ. މާމެންދޫ، ރިހިވެލި، އަހުމަދު ނިޒާރު (31އ) ކަމަށް ފުލުހުން ބުނެއެވެ.

ފުލުހުން ބުނީ އެ މައްސަލަ އިތުރަށް ތަހުގީގުކުރަމުންދާ ކަމަށެވެ.

ރޭ ރަސް ފަންނުގައި ވެސް ވަނީ އިނގިލި ބުރިކޮށްލާނެ ކަމަށް ބުނެ އިންޒާރުދީ ދެ ބިދޭސީއެއްގެ އަތުން ފައިސާތަކެއް ވެސް ފޭރިފަ އެވެ.