އާޝާއަށް 87 އަހަރު ފުރުނު ކަމުގައިވިޔަސް، އޭނާ ބުނަނީ 40 ކަމަށް
މިއަހަރު 87 އަހަރު ފުރުނު ކަމުގައި ވީނަމަވެސް، އިޙްސާސް ކުރެވެނީ 40 އަހަރުގެ މީހެއްގެ ގޮތުގައި ކަމަށް، އިންޑިއާގެ މަޝްހޫރު ލަވަކިޔުންތެރިޔާ އާޝާ ބޯސްލޭ ބުނެފިއެވެ.
އާޝާގެ އުފަންދުވަހުގެ މުނާސަބާގައި އޭނާ ކުރި އިންސްޓަގްރާމް ޕޯސްޓެއްގައި އާޝާ ބުނެފައިވަނީ، އޭނާ ފަދައިން ކޮންމެ މީހަކުވެސް ދުނިޔޭގައި އުޅޭއިރު، ޕޮޒިޓިވްކޮށް ވިސްނުން ގެންގުޅެން ޖެހޭ ކަމަށާއި ހިނިތުންވެރިވެ، ތިމާއާ ކައިރީގައިވާ އެންމެން ކުރެން ރަނގަޅު ޚިޔާލާ ވިސްނުން ގެންގުޅެން އެދެން އެދޭ ކަމަށެވެ. އަދި އުފާވެރިކަން ލިބޭނީ ހިނިތުންވެގެން ކަމަށްވެސް އޭނާ ބުނެފައިވެއެވެ.
އާޝާގެ އުފަންދުވަހާ ގުޅިގެން ބޮލީވުޑްގެ ގިނަ ފަންނާނުން ދަނީ އޭނާއަށް އުފަންދުވަހުގެ ތަހުނިޔާ އަރިސް ކުރަމުންނެވެ.
އާޝާއަކީ އިންޑިއާގެ އެންމެ މަޤްބޫލު ލަވަކިޔުންތެރިންގެ ތެރެއިން އެކަކުކަން ފާހަގަކޮށްލެއެވެ.1943 ގައި ލަވަ ކިޔުމުގެ ދާއިރާއަށް ވަތް އާޝާ ވަނީ ބޮލީވުޑްގެ ފިލްމުތަކަށް އެތައް ހާސް ލަވައެއް ކިޔައިދީފައެވެ.
