އިނގިލި ބުރިކޮށްލާނެ ކަމަށް ބުނެ އިންޒާރުދީ ފޭރުނު މީހުންގެ ބަންދަށް އިތުރު 15 ދުވަސް
ބިދޭސީންތަކެއްގެ އިނގިލި ބުރިކޮށްލާނެ ކަމަށް ބުނެ އިންޒާރުދީ ފޭރުނު ދެ ދިވެހިންގެ ބަންދަށް އިތުރު 15 ދުވަސް ޖަހައިފި އެވެ.
ފުލުހުން ބުނީ ސި. ހިތަދޫ/ އަތިރީގޭ އަހުމަދު ސިވާތު(37އ.)އާއި ސ. ހިތަދޫ/ ޑިލައިޓް ފޭސް، މުހައްމަދު ސާލިމް(37އ.)، މިދިޔަ މަހުގެ 19 ވަނަ ދުވަހު ހައްޔަރުކުރީ ރަސްފަންނުގައި ފޭރުމުގެ އަމަލެއް ހިންގައިގެން ކަމަށެވެ.
އެގޮތުން އިނގިލި ބުރިކޮށްލާނެ ކަމަށް ބުނެ ދެ ބިދޭސީއެއްގެ ވޮލެޓުގައި ހުރި ފައިސާ އެ ދެ މީހުން ފޭރުނު ކަމަށް ފުލުހުން ބުނެއެވެ.
ނަމަވެސް ފުލުހުން ފަހުން ވަނީ އެކަން ކުރި ދެ މީހުން ހައްޔަރުކޮށް ފައިސާތައް ވެސް ހޯދާފަ އެވެ.
އެ މައްސަލައިގައި އެންމެ ފުރަތަމަ އެ މީހުން ބަންދުކުރީ 15 ދުވަހަށެވެ. އަދި އިއްޔެ ކްރިމިނަލް ކޯޓުން ވަނީ އެ ދެ މީހުންގެ ބަންދަށް އިތުރު 15 ދުވަސް ވެސް ޖަހައިދީފަ އެވެ.
ފުލުހުން ބުނިގޮތުގައި އެ ދެ މީހުންގެ ވެސް ބަންދާއި ހައްޔަރުގެ ކުށުގެ ރެކޯޑް ގިނައެވެ،
