ފުވައްމުލަކުގަ ބިދޭސީއަކު ޓީބީއަށް ޕޮޒިޓިވްވި ކަމަށް ބުނާ ވާހަކަ ދޮގުކޮށްފި

ފުވައްމުލަކުގައި ބިދޭސީއަކު ޓީބީއަށް ޕޮޒިޓިވްވި ކަމަށް ބުނާ ވާހަކަ ދޮގުކޮށްފި އެވެ.

Ads by STELCO

ފުވައްމުލަކު ހޮސްޕިޓަލުން މިއަދު ނެރުނު ބަޔާނެއްގައި ބުނީ އެ ރަށުގައި އުޅޭ ބިދޭސީ މަސައްކަތްތެރިއަކު ޓީބީއަށް ޕޮޒިޓިވްވި ކަމަށް ބުނެ އާންމު ރައްޔިތުންގެ މެދުގައި ބިރުވެރިކަން އުފެދޭ ގޮތަށް ސޯޝަލް މީޑިއާގައި ވާހަކަތައް ފަތުރަމުންދާ ކަމަށެވެ.

އެހެން ނަމަވެސް އެއްވެސް ބިދޭސީއަކު ޓީބީއަށް ޕޮޒިޓިވްވެގެން ފަރުވާދެމުންނުދާ ކަމަށް އެ ހޮސްޕިޓަލުން ބުނެފައިވެ އެވެ.

"އަދި އެފަދަ ރިޕޯޓެއްވެސް ލިބިފައިނުވާ ވާހަކަ ދަންނަވަމެވެ" ފުވައްމުލަކު ހޮސްޕިޓަލުން ނެރުނު ބަޔާނުގައި ބުނެފައިވެ އެވެ.

ޓީބީއަކީ ގައިން ގަޔަށް އަރާ ނުރައްކާތެރި ބައްޔެކެވެ.