ޓޫރިޒަމް ބޭނުމަށް ގއ. ވިލިނގިލިން 11 ބިމެއް ކުއްޔަށް ދޫކުރަން އެ ރަށު ކައުންސިލުން އިއުލާނުކޮށްފި އެވެ.
މިދިޔަ ބުރާސްފަތި ދުވަހު އެ ކައުންސިލުން ސަރުކާރުގެ ގެޒެޓްގައި ޝާއިއުކުރި އިއުލާނުގައި ބުނެފައިވަނީ އެ ބިންތައް ދޫކުރަނީ ޓޫރިސްޓް ހޮޓާ, ގެސްޓްހައުސް އަދި ފަތުރުވެރިކަމާ ގުޅުންހުރި ވިޔަފާރިތައް ތަރައްގީކޮށް ހިންގުމަށް ކަމަށެވެ.
އެ ކައުންސިލުން ވަނީ އެ ރަށުން ބިން ކުއްޔަށް ދޫކުރުމުގެ އުސޫލު ވެސް ގެޒެޓްކޮށްފަ އެވެ.
އެ ރަށުގެ ދެކުނު ފަރާތުން އިއުލާނުކުރި 11 ބިމާއި ބޮޑުމިން:
- 400 އަކަފޫޓުގެ ބިމެއް
- 607 އަކަފޫޓުގެ ބިމެއް
- 1234 އަކަފޫޓުގެ ބިމެއް
- 1670 އަކަފޫޓުގެ ބިމެއް
- 2701 އަކަފޫޓުގެ ބިމެއް
- 3647 އަކަފޫޓުގެ 6 ބިން
އެ އުސޫލުގައި ބުނެފައިވަނީ ކުއްޔަށް ދޫކުރާ ބިންތަކާ ގުޅިފައިވާ މޫދު އަދި ބީޗް ސަރަހައްދު ބޭނުންކުރެވިދާނެ ކަމަށެވެ.
ބިންދޫކުރާ ތާރީހުން ފެށިގެން 1 އަހަރުގެ ގްރޭސް ޕީރިއަޑެއް ދޭއިރު އެ މުއްދަތުގެ ތެރޭގައި ބިމުގައި އިމާރަތްކުރުމުގެ މަސައްކަތް ނިންމަންވާނެ ކަމަށް އުސޫލުގައި ބުނެފައިވެ އެވެ.
އުސޫލުގައި ބުނީ ގްރޭސް ޕީރިއަޑުތެރޭގައި ބިމުގެ ކުލި ދައްކަން ނުޖެހޭއިރު ގްރޭސް ޕީރިއަޑުގެ 2 މަސް ދުވަހުގެ ތެރޭގައި ބިމުގެ އަމަލީ މަސައްކަތް ނުފަށިި ނުވަތަ ނުކުރާނަމަ ގްރޭސް ޕީރިއަޑުގެ 3 ވަނަ މަހުން ފެށިގެން ބިންކުލި ނަގަން ފަށާނެ ކަމަށެވެ.
އުސޫލުގެ ދަށުން ބިޑް ރަޖިސްޓްރޭޝަން ފީގެ ގޮތުގައި 1000ރ ނަގާއިރު އެކުއިޒިޝަން ފީއެއްގެ ގޮތުގައި ހުށެހެޅޭ އެންމެ ކުޑަ އަގަކީ 10,000ރ އެވެ.
ބީލަމުގެ އުސޫލުން އެ ބިންތައް ހޯދުމުގެ ފުރުސަތު ވިލިނގިލި ކައުންސިލުން ހުޅުވާލާފައިވާއިރު ބިޑް ރަޖިސްޓްރޭޝަން ފޯމް ހުށެހެޅުމަށް ދީފައިވަނީ ނޮވެންބަރު 5 ވަނަ ދުވަހުގެ މެންދުރުފަހު 1 ޖަހާއިރެވެ. އަދި ބިޑް ހުށަހެޅޭނީ ނޮވެންބަރު 12 ވަނަ ދުވަހުގެ މެންދުރުފަހު 1 ޖަހާއިރު ކަމަށް އިއުލާނުގައި ބުނެފައިވެ އެވެ.
އެ ކައުންސިލުން ބުނީ ބިޑާ ގުޅޭ ފޯމްތަކާއި އަދި އެހެނިހެން ލިޔުންތައް ހުށަހަޅާނީ ކައުންސިލް އިދާރާގެ ރިސެޕްޝަން ނުވަތަ
އީމެއިލް އަށް ކަމަށެވެ.
ކޮމެންޓް