ސަރުކާރުން ޓެކްސީ ހިދުމަތަށް ވަނުން ޑްރައިވަރުން މުޅިން ދެކޮޅު
ސަރުކާރުން ޓެކްސީ ހިދުމަތަށް ވަނުން މުޅިން ދެކޮޅުކަން ޑްރައިވަރުން ހާމަކޮށްފި އެވެ.
މާލެއާއި ހުޅުމާލެއާއި ދެމެދު ޓެކްސީގެ ހިދުމަތް ރަނގަޅަށް ނުދެވޭ ކަމުގެ ޝަކުވާ ބޮޑެވެ. އަދި ހާއްސަކޮށް ބައެއް ފަހަރު އެއް ގޮތަކަށް ވެސް ޓެކްސީ ނުލިބޭ ކަމުގެ ޝަކުވާވެސް ބޮޑެވެ.
އާންމުންގެ އެ ކަންބޮޑުވުންތައް އޮއްވައި ސަރުކާރުގެ ކުންފުންޏަކަށް ޓެކްސީ ކުރުމުގެ ހުއްދަ ދޭން ނިންމިކަން އިއްޔެ ޓްރާންސްޕޯޓް މިނިސްޓަރު މުހައްމަދު އަމީން އިއްޔެ މަޖިލީހުގެ އިގުތިސާދީ ކޮމިޓީގައި އޮތީ ހާމަކުރައްވައިފަ އެވެ.
އަދި އޭގެ ފަހުން ޓެކްސީ ޑްރައިވަރުން ތަމްސީލުކުރާ ޑްރައިވާސް އެސސޯސިއޭޝަންގެ ފަރާތްތަކުން ވަނީ މަޖިލީހުގެ އިގުތިސާދީ ކޮމިޓީއަށް ވެސް ހާޒިރުކޮށްފަ އެވެ.
އެ ކޮމިޓީގައި ޑްރައިވާސް އެސޯސިއޭޝަންގެ މުވައްސިސް ހަސަން ރަމީޒް ވިދާޅުވީ ސަރުކާރުގެ ނިންމުމަކީ ވަރަށް ބޮޑު ކަންބޮޑުވުމެއް އޮތް ކަމެއް ކަމަށެވެ.
އަދި އެއީ ޑްރިއިވަރުންނާއި ސެެންޓަރުތަކާއި ކާރުތަކުގެ ވެރިންގެ ދިރިއުޅުމާ ވަރަށް ބޮޑަށް ގުޅިފައި އޮތް ކަމަަކަށްވާ އިރު ކޮންމެ ދުވަހަކު އެ ފަރާތްތަކަށް ލިބޭ އާމްދަނީއަށް އަސަރުކުރާނެ ކަމަށް ރަމީޒް ވިދާޅުވި އެވެ.
އެގޮތުން ޓެކްސީ ކުންފުނިތަކުން އެ ދާއިރާއަށް ކޮށްފައިވާ އިންވެސްޓްމަންޓްތަކަށް ހުރަސް އެޅި ދެމެެހެއްޓެނިވި ގޮތަށް ވިޔަފާރި ކުރިއަށް ނުގެންދެވިދާނެކަން ރަމީޒް ފާހަގަކުރި އެވެ.
ހަމައެހެންމެ ވާދަވެރިކަން ވެސް ކުޑަވާނެ ކަމަށާއި ނަމަވެސް ވާދަވެރިކަމަކީ ފެންވަރު ރަނގަޅު ހިދުމަތެއް ފޯރުކޮށްދީ ކޮލިޓީ ރަނގަޅުކުރުމަށް މުހިންމުކަމެއްކަން ރަމީޒް ވިދާޅުވި އެވެ.
ޑްރައިވަރުންނަށް ކުރާނެ އަސަރުތަކަށް ވެސް ރަމީޒް މިއަދު އަލިއަޅުވައިލި އެވެ.
"ސަރުކާރުން ހިންގާ ޓެކްސީ ފްލީޓުގައި މަސައްކަތް ކުރާ ޑްރައިވަރުންނަށް މުސާރަ ދިނުމުގައި ގަޑިއަކަށް 100 ރުފިޔާ ދިނުމަކީ ޑްރައިވަރުންގެ ގާބިލުކަމާއި އަހައްމިއްޔަތުކަމެއް ނުދޭކަމެއް ކަން ފާހަގަކުރަން، މިއީ މިދާއިރާގައި ޒަމާނުއްސުރެ އޮންނަ އަމިއްލަ މިނިވަންކަން ހަނިކުރާކަމެއް" އޭނާ ވިދާޅުވި އެވެ.
Ads by STO
