މަތީ ދަރަޖަ ހޯދާ ފަރާތްތަކަށް ދޭ ހާއްސަ އިނާމު 40 ބޭފުޅަކަށް އަރުވައިފި

މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ހާއްސަ އިނާމު 40 ބޭފުޅަކަށް އަރުވައިފި އެވެ.

Ads by MWSC

ޖުމްހޫރީ ދުވަހުގެ މުނާސަބަތާ ގުޅިގެން މިރޭ ބޭއްވި ހާއްސަ ޖަލްސާ އެ ބޭފުޅުންނަށް އިނާމު އެރުވީ ރައީސް ޑރ. މުހައްމަދު މުއިއްޒު އެވެ.

އެ ބޭފުޅުންނަށް މިރޭ ރައީސް ވަނީ މެޑެއްޔަކާއި، ހަނދާނީ ލިޔުން ވަނީ އަރުވަފަ އެވެ.

މިރޭ ހާއްސަ އިނާމު އެރުވީ ރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 10 ގެ ސަނަދެއް ހާސިލުކުރުމުގައި ފާހަގަކޮށްލެވޭ ކާމިޔާބެއް ހޯދައިފައިވާ 2 ބޭފުޅަކާއި، ރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ ލެވެލް 8 ނުވަތަ ލެވެލް 9 ގެ ސަނަދެއް ހާސިލުކުރުމުގައި އެންމެ މަތީ ވަނަ ހޯދައިފައިވާ 38 ބޭފުޅަކަށެވެ.

ގައުމީ ސަނަދުތަކުގެ އޮނިގަނޑުގެ ލެވެލް 10 ގެ ސަނަދެއް ހާސިލުކުރުމުގައި ފާހަގަކޮށްލެވޭ ކާމިޔާބެއް ހޯދައިގެން މިރޭ ހާއްސަ އިނާމު އަރުވާފައި ވަނީ ޑރ. ޢާއިޝަތު ޝިނާ، މއ. ޑޯންލައިޓް، ޑރ. ހަދީޖާ ރަޝީދު، ހުޅުމާލެ. ފްލެޓްނަންބަރު 03-ޖީ-89 އަށެވެ.