ބުޅާ ފެސިލިޓީ އެގްރިކަލްޗާ މިނިސްޓްރީގެ ދަށަށް ގެންނަނީ
ހުޅުމާލޭ ދެވަނަ ފިޔަވަހީގައި މާލޭ ސިޓީ ކައުންސިލުން ގާއިމްކުރި ބުޅާ ފެސިލިޓީ، އެގްރިކަލްޗާ މިނިސްޓްރީގެ ދަށަށް ގެންނަން ނިންމައިފި އެވެ.
މާލޭގެ މަގުތަކުގައި ގިނަވަމުންދާ ބުޅަލުގެ މައްސަލައަށް ދާއިމީ ހައްލެއް ހޯދުމުގެ ގޮތުން ޒަމާނީ ފެންވަރަށް ތަރައްގީކޮށްފައިވާ ފެސިލީޓީ ހުޅުވީ މިދިޔަ މަހުގެ ދެވަނަ ދުވަހު އެވެ.
އަދި މާލޭ ސިޓީ ކައުންސިލުން ޕްލޭންކޮށްފައި އޮތީ މާލޭ ސަރަހައްދުގައި އުޅޭ ބުޅާތައް އެ ބުޅާ ފެސިލިޓީއަށް މިއަދު ގެންދަން ފެށުމަށެވެ.
ނަަމަވެސް އަމަލުކުރާނެ އެސްއޯޕީތަކަށް ރިއާޔަތްނުކޮށް އެ ފެސިލިޓީއަށް ބުޅާތައް ގެންދަން ފަށައިފި ނަމަ، ބުޅާތަކުގެ ސިއްހަތަށާއި ދުޅަހެޔޮ ކަމަށް ނޭދެވޭ އަސަރުތަކެއް ކުރުން އެކަށީގެންވާތީ ކަންކަން ފުރިހަމަ ކުރުމަށް ފަހުގައި ނޫނީ އެތަނަށް ބުޅާތައް ނުގެންދިއުމަށް އެގްރިކަލްޗާ މިނިސްޓްރީން މިއަދު އޮތީ އިލްތިމާސްކޮށްފަ އެވެ.
މާލޭގެ މޭޔަރު އާދަމް އާާޒިމް "ދެން"އަށް ވިދާޅުވީ މިނިސްޓްރީގެ އިލްތިމާސްއާ ގުޅިގެން މިއަދު ބުޅާތައް ނުގެންދާ ކަމަށެވެ.
އަދި ބުޅާ ފެސިލިޓީ އެގްރިކަލްޗާ މިނިސްޓްރީގެ ދަށަށް ބަދަލުކުރަން ނިންމިކަން ހާމަކޮށް ސިޓީއެއް މިއަދު މެންދުރު ލިބިފައިވާ ކަމަށް ވެސް ވިދާޅުވި އެވެ.
" ހުރިހާ ކަމެއް ސިޓީ ކައުންސިލުން ކޮށް ނިންމީމަ މި ކުރި ކަމަކީ ފޭރުން. ދެން މާލޭ ސިޓީ ކައުންސިލްއިން މިކަމާމެދު ގޮތެއް ނިންމާނީ" މޭޔަރު ވިދާޅުވި އެވެ.
މާލޭ ސިޓީ ކައުންސިލުން ދާދި ފަހުން ވަނީ ބުޅާ ފެސިލިޓީއަށް ކާނާ ފޯރުކޮށްދޭނެ ބަޔަކު ހޯދަން ވެސް އިއުލާންކޮށްފަ އެވެ.
މާލޭސިޓީ ކސއުންސިލުން މީހުންގެ ޙައްޤުތައް ފ3ރޭވާހަކަ ނުދައްކަނީކީއްވެ. މީހުންލައްވާ މަސައްކަތްތައް ކުރުވާފަ މީހުންނަށް ފައިސާ ނުދީ ހިފަހައްޓާބައެއް މާލޭ ސިޓީ ކައުންސިލަކީ. އާޒިމއގެ ގުރޫޕެއް ތަނަށް ވއްދައިގެން ފޭރެނީ.