Tuesday, 17 November 2026
Advertisement
MWSC — SmartMeter (leaderboard)
ޚަބަރު

ނައިބު ރައީސް ވިދާޅުވަނީ ދޮގާ ދެކޮޅަށް މަސައްކަތްކުރަން ޖެހޭ ކަމަށް

ނައިބު ރައީސް ވިދާޅުވަނީ ދޮގާ ދެކޮޅަށް މަސައްކަތްކުރަން ޖެހޭ ކަމަށް
ދޮގު މައުލޫމާތު ފެތުރުމާ ދެކޮޅަށް މަސައްކަތް ކުރުމަށް މަޖުބޫރުވެފައިވާ ކަމަށް ނައިބު ރައީސް ހުސެއިން މުހައްމަދު ލަތީފް މިރޭ ވިދާޅުވެއްޖެ އެވެ. ހުރަވީ ދުވަހުގެ މުނާސަބަތާ ގުޅިގެން މިރޭ ބޭއްވި ޖަލްސާގައި ނައިބު ރައީސް ވިދާޅުވީ މިއަދު ގައުމުތައް ސުންނާފަތިކުރަނީ ހައިބްރިޑް ހަތިޔާރު ބޭނުންކޮށްގެން ކަމަށެވެ. އަދި ޓެކްނޮލޮޖީގެ ތެރެއިން ނަފްސާވެސް ތޮޅެމުންދާކަން ނައިބު ރައީސް ފާހަގަ ކުރެއްވި އެވެ. އެހެންކަމުން މިއަދު އެންމެ ބޮޑު ސަމާލުކަމެއް ދޭން ޖެހިފައިވަނީ އެފަދަ ނުރައްކާތަކުން ދަފަރާވުމަށް ކަމަށް ނައިބު ރައީސް ވިދާޅުވި އެވެ.
"މިއަދު އަޅުގަނޑުމެންގެ ވިސްނުންތަކާ ކުޅެ ނަފްރަތާ ރުޅިވެރިކަން އުފައްދަން އިންޓަނެޓްގެ ޒަރިއްޔާއިން ހަމަލާ އެބަދޭ. ދޮގު މައުލޫމާތު ފެތުރުމާއި އިގުތިސާދީ ފިއްތުންތައްް ކުރިމަތިކުުރުމާއި ސިޔާސީ ހަލަބޮލިކަން އިތުކުރުމާއި އަދި ސަގާފީ ނުފޫޒުގެ ތެރެއިން ތޮޅެމުންދަނީ ގައުމުތަކުގެ ގައުމިއްޔަތާ އިޖުތިމާއީ ފިކުުރުތަކާ އިގުތިސާދީ ތަސައްވުރުތަކާ" ނައިބު ރައީސް ވިދާޅުވި އެވެ.
އެމަނިކުފާނު ވިދާޅުވީ ފަތުރާ ދޮގުތައް އެތައް ޒަމާންތަކަކަށް ދިގުލައިގެންދާ ކަމަށާއި އަދި އިގުތިސާދަށް ކުރާ އަސަރާއެކު ގައުމު ބައިބައިވާ ކަމަށެވެ. ނައިބު ރައީސް ވިދާޅުވީ ހައިބްރިޑް ހަނގުރާމައިން 'ދަފަރާވާން' ކުރަން ހުރި ކަންކަން ވަރަށް ގިނަ ކަމަށެވެ. ސައިބާ ރައްކާތެރިކަމުގެ ތަމްރީނުތައްދީ ނުރައްކާތައް ދެނެގަތުމުގެ އުކުޅުތައް ދަސްކޮށްދޭން ޖެހޭ ކަމަށް ވިދާޅުވި އެވެ. "އެކި ގޮތްގޮތުން ފެތުރޭ ދޮގު މައުލޫމާތާ ދެކޮޅަށް މަސައްކަތް ކުރަން މިއަދު މިވަނީ މަޖުބޫރުވެފަ" ނާއިބު ރައީސް ވިދާޅުވި އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.