ތިލަފުށީ ފަޅުގައި އަޅާފައި އޮތް ޓަގު ބޯޓެއް ނަގަން އަންގައިފި

ގަަވައިދާ ހިލާފަށް ތިލަފުށީގެ ފަޅުގައި އަޅާފައި އޮތް ޓަގު ބޯޓެއް ނަގަން އަންގައިފި އެވެ.

Ads by MWSC

އެޗްޑީސީން މިއަދު ކުރި އިއުލާނެއްގައި ބުނީ އެ ޓަގު ބޯޓު އަޅާފައި އޮތީ ތިލަފުށީގެ ލޮޓް ނަންބަރު 30230 ގައި ކަމަށެވެ.

އަދި އެ އުޅަނދުގެ ވެރިފަރާތެއްވާނަމަ އެޗްޑީސީގެ ތިލަފުށީ އޮޕަރޭޝަންސް ޑިޕާޓްމަންޓްއަށް ގުޅައި މައުލޫމާތު ސާފުކުރުމަށް އެދިފައިވެ އެވެ. އަދި މިއަދުން ފެށިގެން 7 ދުވަހުގެ ތެރޭގައި އެ އުޅަނދު ނެގުމަށް ވަނީ އަންގައިފަ އެވެ.

އަދި އެ މުއްދަތުގެ ތެރޭގައި އެ އުޅަނދު ނުނަގައިފިނަމަ އެއީ ވެރިިފަރާތުން ބޭނުން ނެތިގެން ދޫކޮށްލައިފައިވާ އުޅަނދެއްގެ ގޮތުގައި ބަލައި އެޗްޑީސީން ކަނޑައަޅާ ގޮތެއްގެ މަތިން އެ އުޅަނދާ މެދު އަމަލުކުރެވޭނެ ކަމަށް ވެސް އެ ކޯޕަރޭޝަންއިން ބުންޏެވެ.