ފިނޭންސް މިނިސްޓަރު ޒަމީރު އިންޑިއާގައި
ފިނޭންސް މިނިސްޓަރު މޫސާ ޒަމީރު އިންޑިއާއަށް ވަޑައިގެންފި އެވެ.
މިނިސްޓަރުގެ އިންޑިއާ ދަތުރުފުޅާ ގުޅޭ ގޮތުން ފިނޭންސް މިނިސްޓްރީން އަދި ވަކި އެއްޗެއް ހާމައެއް ނުކުރެ އެވެ.
ނަމަވެސް ކޮންފެޑަރޭޝަން އޮފް އިންޑިއަން އިންޑަސްޓްރީން އެކްސްގައި ބުނީ މިނިސްޓަރު އިންޑިއާއަށް ވަޑައިގެންނެވީ ގްލޯބަލް ޕޮލިސް އިކޮނޮމިކް ފޯރަމް 2024 ގައި ބައިވެރިވެވަޑައިގަތުމުގެ ގޮތުން ކަމަށެވެ.
މި މަހުގެ 11 އިން 12 އަށް އޮންނަ އެ ފޯރަމްގައި ދެމެހެއްޓެނިވި ތަރައްގީއާއި އިގުތިސާދީ ކަންކަމާ ގުޅޭ ގޮތުން މަޝްވަރާތައް ކުރިއަށްދާނެ ކަމަށް ވެސް ބުނެފައިވެ އެވެ.
ފިނޭންސް މިނިސްޓަރު މިދިޔަ މޭ މަހުވެސް ވަނީ އިންޑިއާއަށް ރަސްމީ ދަތުރުފުޅެއް ކުރައްވައިފަ އެވެ.
ނަމަވެސް އޭރު އިންޑިއާއަށް ވަޑައިގެންނެވީ ކުރިން އަދާކުރެއްވި ފޮރިން މިނިސްޓަރުގެ ހައިސިއްޔަތުން ނެވެ. އެ ދަތުރުފުޅުގައި މުސާ ޒަމީރު ވަނީ އިންޑިއާގެ ފޮރިން މިނިސްޓަރު ސްރީ ޖައިޝަންކަރުއާ ރަސްމީ ވާހަކަތައް ބާއްވަވައިފަ އެވެ.
އިންޑިއާއިން މި ފަހުން ވަނީ ރާއްޖެއިން ދައްކަން ޖެހޭ ބޮޑު ލޯނެއްވެސް ދެއްކުން ފަސްކޮށްދީފަ އެވެ.
Ads by STO
