ފުލުހުންގެ ކާރަކާއި ސައިކަލެއް ޖެހި އަނިޔާވި ޒުވާނާގެ ހާލު ސީރިއަސް
ހުޅުމާލެ ދެ ވަނަ ފިޔަވަހީގައި ފުލުުހުންގެ ކާރަކާއި ސައިކަލެއް ޖެހި ހިނގި ނުރައްކާތެރި އެކްސިޑެންޓެއްގައި ޒުވާނަކަށް އަނިޔާވެއްޖެ އެވެ.
އެކްސިޑެންޓުގެ ވީޑިއޯ ސޯޝަލް މީޑިއާގައި ދައުރުވަމުން އަންނައިރު، ވީޑިއޯއިން ފެންނަ ގޮތުގައި އެކްސިޑެންޓުގެ ސަބަބުން ފުލުހުންގެ ކާރަށާއި ސައިކަލަށް ބޮޑެތި ގެއްލުންތަކެއް ވަނީ ލިބިފަ އެވެ.
މީޑިއާތަކަށް ރޭ ފަތިހު ފޮނުވި މެސެޖެއްގައި ފުލުހުން ބުނީ އެ އެކްސިޑެންޓް ހިނގާފައި ވަނީ ރޭ ދަންވަރު 1:50 ހާއިރު ހުޅުމާލެ ދެ ވަނަ ފިޔަވަހީގައި ކަމަށެވެ. އެކްސިޑެންޓުގައި އަނިޔާވެފައި ވަނީ އުމުރުން 18 އަހަރުގެ ފިރެހެން ކުއްޖަކަށް ކަމަށެވެ.
"އަނިޔާވި ފަރާތުގެ ހާލު ސީރިއަސް ކަމަށް ހުޅުމާލެ ހޮސްޕިޓަލުން މައުލޫމާތު ފުލުހުންނަށް ދީފައިވޭ،" މެސެޖުގައިވެ އެވެ.
އެ ޒުވާނާއަށް ލިބުނު އަނިޔާގެ ތަފުސީލެއް ލިބިފައެއް ނުވެ އެވެ. އަދި އެކްސިޑެންޓް ހިނގި ގޮތް ފުލުހުން ހާމަކޮށްފައެއް ނުވެ އެވެ.
Ads by STO
