Saturday, 14 November 2026
Advertisement
HDC — Share-Below (leaderboard)
ޚަބަރު

ބޮންޑެޑް ވެއާ ހައުސްއަކުން ގިނަ އަދަދެއްގެ ސިނގިރޭޓް ގެއްލިއްޖެ

ބޮންޑެޑް ވެއާ ހައުސްއަކުން ގިނަ އަދަދެއްގެ ސިނގިރޭޓް ގެއްލިއްޖެ

ރާއްޖެ އެތެރެކުރުމަށްފަހު ބޮންޑެޑް ވެއާހައުސް އެއް ގައި ރައްކާކޮށްފައި ހުރި ސިނގިރޭޓް ގެއްލިފައިވާ ކަމަށް ހޯމްލޭންޑް އެންޑް ސެކިއުރިޓީ މިނިސްޓަރު އަލީ އިހުސާން އެއްބަސްވެއްޖެ އެވެ.

ބޮންޑެޑް ވެއާހައުސް އެއްގައި ހުރި ގާތްގަނޑަކަށް 34،500 ކާޓޫނުގެ ސިނގިރޭޓް ގެއްލިފައިވާ ކަމަށް މިޑީއާއަކުން ވަނީ ރިޕޯޓްކޮށްފަ އެވެ. އެ ސިނގިރޭޓުތަކަށް އިމްޕޯޓު ޑިއުޓީ އާއި ރެވެނިއު ސްޓޭމްޕުގެ ގޮތުގައި ދައުލަތަށް 47 މިލިއަން ރުފިޔާ އަރަ އެވެ.

ރަސްމީ އެކައުންޓުން 'އެކްސް' ގައި ކުރި ޕޯސްޓެއްގައި އިހުސާން ވިދާޅުވީ ޒަމާންތަކެއް ވަންދެން ބޮންޑެޑް ވެއާހައުސްތައް މާލޭގެ އެކި ގެތަކުގައި އަދި އެޕާޓްމަންޓްތަކުގައި ހިންގަމުން އައި ކަމަށާއި އެތަންތަނުގައި ދެ ތަޅު ހަރުކޮށްފައިވާ ކަމަށެވެ. އޭގެ ތެރެއން އެއްތަޅުގެ ތަޅުދަނޑި އޮންނަނީ ކަސްޓަމްސް އަތުގަ އެވެ.

Advertisement
HDC — Sidebar (box)

އިހުސާން ވިދާޅުވީ ސިނގިރޭޓްތަކެއް ގެއްލިފައިވާ ބޮންޑެޑް ވެއާހައުސް އަކީވެސް އެގޮތަށް ގެއެއްގައި ހަދާފައި ހުރި ތަނެއް ކަމަށެވެ.

ނަމަވެސް ވެރި ފަރާތުން ވެއާހައުސް ހިންގިތަން ދޫކޮށް އެތަނުގައި އެހެން މަސައްކަތެއް ކުރަމުން އަންނަ މައުލޫމާތު ކަސްޓަމްސްއަށް ލިބުމުން އެކަން ޔަގީންކޮށް, ވެއާހައުސްގައި ހުރި ކަމަށް ކަސްޓަމްސްގެ ރެކޯޑްތަކުން ދައްކާ މުދަލަށް ޑިއުޓީ ދެއްކުމަށް އަންގާފައިވާ ކަމަށް ވެސް އިހުސާން ވިދާޅުވި އެވެ.

<strong>"އަދި މިކަން ހިނގި ގޮތް ބަލައި ގާނޫނީ ފިޔަވަޅު އެޅުމަށް ކަސްޓަމްސްއާ ފުލުހުން ދަނީ ތަހުގީގު ކުރަމުން"</strong> އިހުސާން ވިދާޅުވީ އެގޮތަށް ގޭގެތަކުގައި ބޮންޑެޑް ވެއާހައުސް ހިންގުމަކީ ސަލާމަތީ ގޮތުން އަދި ކޮންޓްރޯލް ކުރުމަށް އެންމެ ރަނގަޅު ގޮތް ކަމަށް ނުފެންނާތީ ސަރުކާރުން ބޮންޑެޑް ވެއާހައުސް ދެން ހިންގޭނީ ހަމަ އެކަނީ "ކަސްޓަސްގެ ފުލް ކޮންޓްރޯލް" އޮންނަ ސަރުހައްދުތަކުގައި އެކަނި ކަމަށް ކަނޑައަޅައި އެ ސިޔާސަތު ތަންފީޒުކުރުން ފަށާފައިވާ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.