Monday, 16 November 2026
Advertisement
Allied Insurance (leaderboard)
ދުނިޔެ

އެމެރިކާގެ އެންމެ ބޮޑު ލިތިއަމް މައުދަން ހުޅުވައިފި

އެމެރިކާގެ އެންމެ ބޮޑު ލިތިއަމް މައުދަން ހުޅުވައިފި

އެމެރިކާގެ އެންމެ ބޮޑު ލިތިއަމް މައުދަން ރަސްމީކޮށް ހުޅުވާލައިފި އެވެ.

ނެވަޑާ ސްޓޭޓްގައި ހުޅުވި މި މައުދަނަކީ އެމެރިކާގެ ސަރުކާރުން ސާފު ހަކަތައަށް ބަދަލުވުމަށް ކުރަމުންދާ މަސައްކަތުގެ މުހިންމު ބައެކެވެ.

މި މައުދަނުގައި 40 މިލިއަން މެޓްރިކް ޓަނުގެ ލިތިއަމް ރިޒާވްސް ހުރިކަމަށް ތަޖުރިބާކާރުން ލަފާކޮށްފައި ވެއެވެ. މިއީ ސާފު ހަކަތައިގެ ދާއިރާގައި ޗައިނާގެ ބާރުވެރިކަމަށް ނިމުމެއް ގެނެވިދާނެ ކަމެއް ކަމަށްވެސް އެމީހުން ފާހަގަކުރެ އެވެ.

Advertisement
Ooredoo — Square (box)

ލިތިއަމް މައުދަން ހުޅުވާފައިވަނީ މިދިޔަ މަހުގެ 31 ވަނަ ދުވަހުގަ އެވެ.

އެމެރިކާގެ އެނާޖީ ސެކްރެޓަރީ ޖެނިފާ ގްރާންހޯމް ވިދާޅުވީ މި މައުދަން ހުޅުވުމަކީ އެމެރިކާގެ ސާފު ހަކަތައިގެ މުސްތަގުބަލަށް ކުރިއެރުމެއް ކަމަށެވެ. އަދި މިއީ ޗައިނާގެ މައްޗަށް އޮތް ބަރޯސާވުން ކުޑަކޮށް، އަމިއްލަ ފައިމައްޗަށް ތެދުވުމަށް ލިބުނު ފުރުސަތެއް ކަމަށެވެ.

މި މަޝްރޫއުގެ ސަބަބުން 1000 އަށްވުރެ ގިނަ ވަޒީފާގެ ފުރުސަތު އުފެދޭނެ ކަމަށް ލަފާކޮށްފައިވެ އެވެ. އަދި އެމެރިކާގެ އިގްތިސާދަށް ބޮޑު ކުރިއެރުމެއް ލިބޭނެ ކަމަށްވެސް ބެލެވެ އެވެ.

ނަމަވެސް ތިމާވެށީގެ ޖަމިއްޔާތަކުން މި މަޝްރޫއާ ދެކޮޅު ހަދާފައިވެ އެވެ. އެފަރާތްތަކުން ބުނީ މައުދަން ނެގުމުގެ ސަބަބުން ސަރަހައްދުގެ ގުދުރަތީ ވެއްޓަށް ނޭދެވޭ އަސަރުތަކެއް ކުރާނެ ކަމަށެވެ.

މި މައުދަން ހުޅުވުމާއެކު، އެމެރިކާއަށް ލިތިއަމް އުފެއްދުމުގައި ދުނިޔޭގެ އެއްވަނައަށް އަރާނެ ކަމަށް ލަފާކުރެވެ އެވެ. މިކަމުގެ ސަބަބުން ޗައިނާގެ ބާޒާރަށް ބޮޑު ގޮންޖެހުމެއް ކުރިމަތިވާނެ ކަމަށްވެސް ލަފާކުރެ އެވެ.

ލިތިއަމްއަކީ އިލެކްޓްރިކް ވެހިކަލްތަކާއި ހަކަތަ ރައްކާކުރާ ބެޓެރީތައް އުފެއްދުމަށް ބޭނުންކުރާ މުހިންމު މާއްދާއެކެވެ

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.